चितवन, साउन १७ – मेष ः अप्ठ्यारा परिस्थितिलाई समेत सहज बनाउन सकिने राम्रो दिन छ । तर आज कार्यक्षेत्रबाट फुर्सद निकालेर आनन्द र मस्तीमा भुलिने समय हो । इच्छाअनुरूप एकान्तमा बस्न पाउने अवसर मिल्नेछ ।
वृष ः आत्मविश्वासमा बृद्धि हुनाले थप सफलता प्राप्त हुनेछ । शिक्षाक्षेत्र, आर्थिक कारोबार, सुनचाँदी जस्ता गहनागहनाका व्यापारीका लागि राम्रो दिन देखिन्छ । नयाँ ठाउँमा धन लगानी गर्ने वातावरण बन्न सक्नेछ ।
मिथुन ः सुखद् समाचार सुन्न पाइनेछ । बाल्यावस्थाका मित्रहरू आत्मीयजन वा छोराछोरीसित सम्पर्क वा भेटघाट हुने तथा राम–रमाइलोमा सरिक हुने दिन रहेको छ । आफ्ना भावना र इच्छाहरूको कदर हुनेछ ।
कर्कट ः रोमान्टिक जीवनभन्दा पनि यतिवेला घरपरिवार र अभिभावक महत्त्वपूर्ण बन्न सक्नेछन् । भावनालाई नियन्त्रण गरी कुराकानी गर्ने र पार्टनरलाई फकाउने प्रयास गर्नुहोला । आजको दिन अनावश्यक साइनो गाँस्नेहरूसँग विशेष सावधान रहनु राम्रो पक्ष हुनेछ ।
सिंह ः साझेदारीको काम छ भने अर्कालाई नसुम्पनु ठीक हुन्छ । कुशल नेतृत्व र व्यवस्थापकीय क्षमताको उपयोग हुनेछ । पारिवारिक जीवन र आत्मिक आनन्दका लागिसमेत उत्कृष्ट समय रहेको छ । शैक्षिक, व्यापारिक एवं राजनैतिक क्षेत्रमा राम्रो पक्ष हुनेछ ।
कन्याः आज आँट र हिम्मतले काम लिन सकेमा मनग्ये फाइदा हुनेछ । स्थिर प्रयोजनको धनमा समेत लगानी बढाउने दिन छ । उद्योग, कलकारखानामा लगानी गर्दा फाइदा हुने देखिन्छ । नयाँ जानकारी र समाचारहरू प्राप्त गरी अपडेट हुने समय देखिन्छ ।
तुला ः आत्मोन्नति र व्यक्तित्व विकासका लागि प्रयास गर्ने समय हो । त्यस्तै घरायसी सुखसुविधा, अचल सम्पत्ति र वाहनसुखका बारेमा समेत ध्यान केन्द्रित हुनसक्नेछ । सामाजिक क्षेत्र एवम् जागिर तथा नोकरीबाट मानसम्मान मिल्ने समय छ ।
बृश्चिक ः आजको दिन पारिवारिक जीवन सामान्य रहनेछ । तालसाँचो बलियो बनाउनु होला । सानो भुलचुकमा ठूलो नोक्सानी हुनसक्नेछ । अनावश्यक खर्चको योग भएकाले किनमेल गर्दा पनि सजग रहनुपर्ने देखिन्छ ।
धनु ः आज साथीभाइसित अचानक भेटघाट हुने र आकस्मिक लाभ मिल्ने समय रहेको छ । इच्छाशक्ति बढ्नेछ । मानसम्मान र प्रतिष्ठा बढाउन गरिएको काममा सफल भईने छ । दायित्व र जिम्मेबारीको बोध गर्नुका साथै आफ्नो कर्तव्य निर्वाहप्रति सचेत रहनु राम्रो पक्ष हुनेछ ।
मकर ःआज लामो समयदेखि रोकिएका काम बन्दै जाने समय रहेको छ । सेवा चाकरीमा पनि केही समय दिनुपर्ने हुनेछ । उच्चपदस्थ र महत्त्वपूर्ण व्यक्तिहरूसित मित्रता हुनेछ । कुनै पुरस्कार वा सम्मान पाउन सक्नुहुने योग छ ।
कुम्भ ः सामाजिक कामबाट प्रशंसा मिल्नेछ । रमाइलो यात्राको सम्भावना पनि देखिन्छ । रिजल्टको प्रतीक्षामा हुनुहुन्छ भने आशा अनुरूप परिणाम प्राप्त हुनेछ । आशावादी बनेर लक्ष्यप्रति केन्द्रित भएमा आँटे÷ताकेका काम पूरा गर्न सजिलो हुनेछ ।
मीन ः आज कहीँ कसैसंग विवाद वा झैझगडा हुनसक्ने योग छ । सुस्वास्थ्य र आरामका लागि समय छुट्याउनु तथा पौष्टिक आहारामा ध्यान दिनु ठीक हुनेछ । आज बारम्बार नकारात्मक धारणा मात्र आइरहने सम्भावना देखिन्छ । कसैको असम्भव आशामा वा बहकाउमा नफँस्नु राम्रो पक्ष हुनेछ ।
