चितवन, असार २७ – मेष : दिन लाभदायक रहेको छ । प्रतिष्ठित काम गर्ने अवसर प्राप्त हुनेछ । आफन्तसंग भेटघाट हुनेछ । धर्मकर्म तथा परोपकार कार्यमा मन जानेछ । दिगो कामको लागि जग बसाउन सकिनेछ ।
वृष : अरुको फाइदाको लागि उपयोग भईएला । जोखिमपूर्ण वा विवादास्पद जिम्मेवारी वहन गर्नुपर्ला । दिनको उत्तरार्ध कार्य क्षेत्रमा प्रगति हुनेछ । टाढिएका साथीभाइसँग भेटघाट हुने समय रहेको छ ।
मिथुन : शुभ कार्य एवं सामाजिक क्षेत्रमा धन खर्च हुनेछ । मध्यान्नबाट गरिरहेका कार्यहरुमा अकस्मात् बाधा आइपर्ने संभावना देखिन्छ । हल्लाको भर पर्दा दुःख पाईनेछ । आफूलाई स्वास्थ्यमा कमजोर भएको अनुभूती हुनेछ । आज अलिक सोचबिचार गरी होशियारी पूर्वक कार्य गर्नु राम्रो हुनेछ ।
कर्कट : प्रतिष्पर्धीहरुलाई किनारा लगाउन सकिनेछ । व्यापार व्यावसाय फस्टाउनेछ । बलजफ्ती गरेरै भए पनि चिताएको काम बनाउन सकिनेछ । आम्दानीका नयाँ स्रोत फेला पर्नेछन् । स्त्रीवर्गबाट विशेष साथ सहयोग मिल्नेछ ।
सिंह : नयां कामको अवसर मिल्नेछ । मित्र तथा आफन्तजनबाट विशेष सहयोग मिल्नेछ । उद्योग र व्यापार व्यावसायमा फाइदा हुनेछ । पुरानो समस्याबाट मुक्ति मिल्नेछ । वादविवादबाट भने जोगिने प्रयत्न गर्नुहोला ।
कन्या : चिन्ता छाडेर चिन्तन गर्ने समय छ । मेहनतले परिस्थितिलाई आफ्नो अनुरूप ढाल्न सक्नुहुनेछ । कुनै सुखद समाचारले दिन उत्साह र आनन्दपूर्ण रहनेछ । दिनको उत्तरार्धमा दिन सुखद् देखिन्छ । बेलुकी रमाइलो जमघट बीच मिष्ठान्न भोजन प्राप्त रहनाले मन दङ्ग रहने छ ।
तुला : मनमा चञ्चलता बढ्नेछ । झन्झटिलो काममा संलग्न हुनुपर्ने समय छ । कार्यगर्दा ध्यान पूर्वक गर्नुपर्ने समय रहेको छ । कुनै कुरामा वैचारिक मतभेद सिर्जना हुनसक्नेछ । दिनको उत्तरार्धमा धोका समेत हुन सक्नेछ ।
बृश्चिक : वाक्चतुर्याईँले सङ्कल्प सिद्ध हुनेछ । सुखदुःखमा साथ दिनेहरू पसस्तै भेटिनेछन् । धनसम्पत्तीको लाभ हुने योग रहेको छ । शारीरिक रुपले ज्यादा तन्दुरुस्त महसुस हुनेछ । वौद्धिक तथा प्राज्ञिक उन्नयनको दिन परेको छ ।
धनु : स्वादिष्ट भोजनको अवसर जुट्नेछ । अरुलाई प्रभावित पारेर काम हुने समय छ । मीठो बोलीवचनको कारण आफन्त तथा मित्रजन मन्त्रमुग्द रहने छन् । शैक्षिक क्षेत्रमा पनि नसोचेको सफलता प्राप्त हुनाले मन फुरुङ रहने छ ।
मकर : लगनशीलताले कामहरु अगाडी बढ्नेछन । शुभचिन्तकहरुको सहयोग जुट्न सक्नेछ । । नयाँ कार्यको योजना बन्नेछ । पारिवारिक जमघटमा मन रमाउनेछ । कुनै नयाँ समाचारले मनमा शान्ति छाउनेछ ।
कुम्भ : रमाइलो क्षणमा अचानक खिन्नता बढ्ला । आश्वासन वाड्नेहरुले झुक्याउने छन् । नयाँ योजना कार्यान्वयनमा ल्याउन मुस्किल पर्नसक्छ । प्रेमी÷प्रेमीकाका बिच मतभेद पनि बढ्ला । तर वैदेशिक, प्राविधिक र टेक्निकल कामहरूबाट लाभ मिल्नेछ ।
मीन : आंटेको र ताकेको कार्य सफल हुने योग छ । व्यापार व्यासायमा वृद्धि हुनेछ । विशिष्ट व्यक्तित्वसँग भेटघाट हुनेछ । नजिकको व्यक्तिबाट कार्य पुरा हुनेछ । आफ्नो पेशामा बढुवाको योग पनि रहेको छ ।
