चितवन, भदौ २४ –

मेषः आज आराम गर्ने फुर्सद पाईँदैन । शरीर अस्वस्थ भए पनि घरायसी बन्दोबस्तीका लागि खट्नैपर्ने समय छ । कार्यक्षेमा योजना बनाएर कार्य गर्नु राम्रो पक्ष हुनेछ । शारिरिक परिश्रमबाट कार्यमा सफलता मिल्नेछ । पारिवारिक तनावको अन्त्य हुनेछ ।

वृषः सामाजिक क्रियाकलापमा दिलचस्पी बढ्नेछ । प्रशस्त सम्भावना र उपलब्धिहरू भएको राम्रो दिन छ । सहकर्मीहरूको भावना बुझि काम गर्न सके पुरानो समस्या हल गर्न सकिने छ । वेलुकी पख भने खटपटको सम्भावना देखिन्छ ।

मिथुनः आज घरपरिवारको चाहना अनुसार खर्चमा बृद्धि हुन सक्नेछ । शैक्षिक एवं व्यावसायिक क्षेत्र अनुकुल रहेको छ । सामाजिक कार्य गर्ने अवसर मिल्नेछ । विशेष भेटघाट र कुराकानीका लागि भने समय र स्थान छनौट गर्न निकै गोपनीयता अपनाउनु राम्रो पक्ष हुनेछ ।

कर्कटः आज भविष्यका योजनाहरूको मूल्याङ्कन गर्दै कार्यमा जुट्नुहोस्, अवश्य सफलता मिल्नेछ । परीक्षा, प्रतियोगिताहरुमा विजय प्राप्त गर्ने दिन छ । कार्यमा उत्साह बढ्नेछ । साहित्य तथा संगीतप्रतिको झुकाव बढ्ला । बेलुकी पख भने वेतुकको वादविवादमा परिएला, सचेत रहनु होला ।

सिंहः परिबन्द र बाध्यताका काममा अल्झिनुपर्ने समय छ । नियमित र व्यवहारिक खर्च बढ्न सक्नेछ । कुनै कानूनी बाधाअड्चन व्यहोर्नुपर्ने सम्भावना पनि देखिन्छ । रोकिएर वसेका काम बन्दै जानेछन् । नयाँ प्रविधि तथा सामाजिक सञ्जालको प्रयोग गरेर विशेष फाइदा लिन सकिने दिन रहेको छ ।

कन्याः इच्छा र आकाङ्क्षाले पूर्णता पाउने दिन रहेको छ । महत्वपूर्ण कार्यमा व्यवस्थापन आइपर्ला । घरजग्गा व्यवसायीले कुनै लाभदायक सम्झौता गर्न सक्नेछन् । दिनको उत्तरार्धमा भने अकस्मात धन खर्च हुने समय छ ।

तुलाः दाम, इनाम र प्रतिष्ठा कमाउने बेला छ । काम र कर्तव्यप्रति दिलचस्पी जाग्नेछ । सामाजिक कामको दायित्व बढ्नेछ । व्यक्तित्व विकासको योजना बनाउने र पदोन्नति, प्रशंसा प्राप्तीको दिन रहेको छ । शैक्षिक एवं व्यवसायिक क्षेत्रमा राम्रो पक्ष हुनेछ ।

बृश्चिकः आज कारणवश लुक्नुपर्ने वा मोबाइल स्वीचअफ गर्ने परिस्थिति सिर्जना हुन सक्नेछ । आफन्त तथा छरछिमेकको काममा खट्नुपर्ने देखिन्छ । धार्मिक एवं सामाजिक कार्यमा मन जानेछ । लगानी गर्नुपर्ने काममा हात हाल्नुअघि अलिक विचार पुर्याउनु राम्रो पक्ष हुनेछ ।

धनुः अरुका लागि बुद्धि र समय खर्चनु पर्नेछ । शरीरमा स्फूर्ति र उमङ्गमा कमी आउनेछ । व्यापार व्यावसायमा सामान्य लाभ हुनेछ । सवारी साधनको प्रयोगमा विशेष सजगता अपनाउनु होला । साँझपख गरेको मठमन्दिरको राम्रो भ्रमणले ऊर्जा प्रदान गर्नेछ ।

मकरः आज दिन राम्रो रहेको छ । व्यापार व्यावसायबाट मनग्य आम्दानी हुनेछ । नयाँ कामको सुरुवात हुनेछ । रोमान्टिक र चञ्चल मनस्थिति बन्न सक्नेछ । दिनको उत्तरार्धमा अकस्मात धन हानिको सम्भावना देखिन्छ ।

कुम्भः आज प्रर्तिस्पर्धीहरु पछि पर्नेछन् । चिताएको कामले तीव्रता लिनेछ । स्वास्थ्य क्षेत्र, काठपात, मिलमेशिनरी र ढुवानीसम्बद्ध कारोबारीहरुले आयस्रोत बढाउन सक्नुहुनेछ । लगनशीलताले राम्रै उपलब्धि दिलाउनेछ । पढाइलेखाइमा प्रगति हुनेछ ।

मीनः तपाईको खुट्टा तान्ने मानिसहरु हावी हुनेछन् । दौडधुप धेरै तर प्रतिफल कम हुनेछ । कार्यमा राम्रो सुरुवात हुनेछ तर अन्त्यमा सोचेजस्तो नतिजा नआउन सक्नेछ । व्यस्त जीवनशैलीको बावजुत पनि बेलुकी पखको परिवेश भने उल्लासमय रहने छ ।