चितवन, साउन ३१-

मेषः आफ्नै दक्षतामा विभिन्न कार्यहरू सम्पन्न हुनेछन् । श्रीमती÷प्रेमीकाबाट राम्रो सहयोग प्राप्त हुनेछ । शत्रु परास्त हुनेछन् । स्वास्थ्य राम्रो रहने छ । दाजुभाई तथा कुल–कुटुम्बबाट अपेक्षाकृत साथसहयोग प्राप्त हुनेछ ।

वृषः दाम्पत्य तथा प्रेम सम्बन्धमा असन्तोष रहला । स्वास्थ्यमा समस्या देखिनेछ । आफैँले गरेका निर्णय कार्यान्वयन गर्न धौधौ पर्नेछ । अनावश्यक भ्रमण भइ दैनिक कामकाजमा पनि व्यवधान उत्पन्न हुन सक्नेछ । सेवामूलक काम सम्पादन गर्न सकिनेछ ।

मिथुनः परिस्थितिवश केही समस्यामा अल्झनुपर्ने देखिन्छ । पानी तथा जलिय पदार्थहरुबाट टाढा रहनु नै बेस हुनेछ । निडर र आत्मविश्वासका साथ आफूलाई प्रस्तुत गर्नु राम्रो पक्ष हुन आउनेछ । कमजोर नतिजा सच्याउन काम दोहोर्याउनु पर्ने समय छ ।

कर्कटः जोशजाँगर र हिम्मत बढ्नेछ । अध्ययन अध्यापनको क्षेत्र आजको दिन राम्रो रहेको छ । भौतिक साधन जुट्नाले दिगो योजना अघि बढ्नेछ । लामो समयदेखि रोकिएका कामहरू पुरा हुनेछन् । सबैतिरबाट सक्दो सहयोग प्राप्त हुनेछ ।

सिंहः खानपानमा विशेष सतर्कता अपनाउनु होला । वादविवाद हुन सक्नेछ सतर्क रहनु होला । परिस्थितिले गर्दा चिताएका कार्य पूर्ण हुनमा बाधा हुनेछ । हातबाट लक्ष्मी बाहिरिने सम्भावना देखिएकाले कर्जा तथा उधारो व्यापारमा चनाखो रहनुपर्नेछ ।

कन्याः भाग्योदयको योग छ । प्रेममा सफल हुने दिन छ । व्यापार व्यवसायवाट प्रसस्त आम्दानी हुने दिन छ । प्रायः सबै काम आफ्नै नेतृत्वमा सम्पन्न हुनेछन् । खानपिनको मामलामा मन ज्यादा मोहित हुने सयम छ ।

तुलाः व्यवसायमा घाटा हुने समय छ । धन तथा सामान हराउन सक्नेछ, सजगता अपनाउनु होला । विभिन्न सकारात्मक कार्यहरुको लागि धन तथा वैदिक श्रम खर्च हुनेछ । वादविवादबाट जोगिने प्रयत्न गर्नु राम्रो पक्ष हुन आउने छ ।

बृश्चिकः नयाँ काम शुभारम्भको चर्चा चल्नेछ । धनार्जनका नयाँ श्रोत पत्ता लाग्नेछ । रमाइलो भेटघाटको समय छ । आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ । मान–सम्मान प्राप्त हुनेछ ।

धनुः कुटनीतिक नियोगको सहयोग मिल्नेछ । विना प्रतिस्पर्धा फाईदा हुनेछ । अरुको मन सजिलै जित्ने सकिनेछ । सानो प्रयत्नले ठूलो काम बन्नेछ । विचारले धेरैलाई आकर्षण गर्ने समय छ । पारिवारिक समस्याहरूको समाधान हुनेछ ।

मकरः कामकारोवारमा बाधा आउनसक्नेछ । मनमा निराशा र शरीरमा आलस्य आउने समय छ । वैदेशिक क्षेत्रको काम पनि अधुरै रहला । कुनै पनि कदम चाल्नु भन्दा पहिला राम्रो विचार, विमर्ष गरेर मात्र कदम चालेको उचित हुनेछ ।

कुम्भः आँटेको कार्यमा बाधा आउनेछ । शरीरमा स्फूर्ति र उमङ्गको कमी हुनेछ । व्यापारिक कार्यमा नोक्शानीको समय छ । प्रविधि र सञ्चारको माध्यमबाट दैनिकी केहि सहज हुनेछ । अवसरवादीहरूबाट सावधान रहनुहोला ।

मीनः चिताएको काममा सोचेजस्तै सफलता मिल्नेछ । स्त्रीको सहयोगबाट महत्वपूर्ण कार्य सम्पन्न हुने दिन छ । छोटो दूरीको यात्राको सम्भावना छ । नयाँ काम प्रारम्भ गर्ने समय छ । व्यापार ब्यावसायबाट सन्तोषजनक मुनाफा प्राप्त हुनेछ ।