चितवन – सीजी मोटर्सले चितवनको भरतपुरमा आफ्नो नयाँ मल्टि-ब्राण्ड आउटलेट सञ्चालनमा ल्याएको छ। रिडारा, डायुन, एक्सपेङ र आयोन इलेक्ट्रिक सवारी साधनको अधिकारिक बिक्रेता सीजी मोटर्सले भरतपुर बालमन्दिर रोडमा आउटलेट शुभारम्भ गरेको हो ।

चितवन अटोमोवाईल डिलर एशोसियनका अध्यक्ष इन्द्र रेग्मी, भरतपुर १० का अध्यक्ष परमेश्वर खनाललगायतको उपस्थितिमा आउटलेटको बिहीबार उद्घाटन गरिएको हो । यस सँगै एउटै छानामुनी चार वटा विश्वप्रसिद्ध सवारी ब्राण्डका अत्याधुनिक मोबिलिटी समाधानको अनुभव लिन सकिने सीजी मोटर्सले जनाएको छ । यसबाट उपत्यका बाहिर पनि नविन विद्युतीय सवारी साधनहरुको पहुँच विस्तार गर्ने सीजीमोटर्सको प्रतिबद्धतालाई थप बल प्राप्त भएको सहायक महाप्रबन्धक कञ्चन सिलवालको भनाइ छ ।

काडाका अध्यक्ष ईन्द्र रेग्मीले सीजी. मोटर्सलाई चितवनमा स्वागत गर्न पाउँदा खुशी लागेको बताए । यसले उपत्यका बाहिर पनि विद्युतीय सवारी साधनहरुको विस्तारमा पुग्ने उनको भनाइ थियो । भरतपुर १० का वडा अध्यक्ष परमेश्वर खनालले सीजी परिवारलाई सफलताको कामना गरे ।

ग्राहक केन्द्रित अवधारणामा निर्माण गरिएको यस आउटलेटमा सवारी अवलोकन, व्यक्तिगत परामर्श, टेस्ट ड्राईभ तथा बिक्रीपछिको सेवा सहित सहज र व्यवस्थित ग्राहक सेवा प्राप्त गर्न सकिने सीजी मोटर्सका सहायक महाप्रबन्धक कञ्चन सिलवालले बताए ।

देशैभर फैलिएको २६० भन्दा बढी चार्जिङ स्टेसनको नेटवर्कमार्फत सीजी मोटर्सले ग्राहकहरुलाई सेवा दिदै आएको छ । चार्जिङ पुर्वाधारले सीजी मोटर्सलाई नेपालको सबै भन्दा विश्वसनिय र भरपर्दो विद्युतीय सवारी साधन प्रदायक कम्पनीको रुपमा स्थापित गरिएको कञ्चन सिलवालले दाबी गरे ।