काठमाडौं : भारत, हरियाणाको फरीदाबादमा तैनाथ एक महिला वरिष्ठ हवल्दार सरोजको हत्या भएको छ ।

अर्कोतिर उनका श्रीमानको शव झुण्डिएको अवस्थामा फेला पर्यो । यो घटना सेक्टर ३१ प्रहरी लाइनको हो । यस विषयमा अनुसन्धान भइरहेको प्रहरीले जनाएको छ ।

अनुसन्धान प्रतिवेदनका आधारमा थप कारबाही गरिने छ । जानकारीका अनुसार प्रहरी लाइनमा वरिष्ठ हवल्दार पदमा कार्यरत सरोज एनआईटी प्रहरी चौकीमा ड्युटीमा थिइन् ।

घटना भएको दिन सरोजका ११ वर्षीय छोरा परीक्षा दिन गएको बताइएको छ । हाल प्रहरीले दुबै जनाको शव पोष्टमार्टमका लागि फरीदाबादस्थित जनरल अस्पतालमा पठाएको छ ।

महिला हवल्दारका परिवारको बयानका आधारमा थप कारबाही गरिने प्रहरीले जनाएको छ ।

सेक्टर ३१ का एसएचओ बलवन्त सिंहले प्रहरी लाइनमा बस्ने एक महिला वरिष्ठ हवल्दारको हत्या र उनका श्रीमानको झुण्डिएको अवस्थामा शव फेला परेको विषयमा प्रहरीले अनुसन्धान गरिरहेको बताएका छन् ।

पोष्टमार्टम रिपोर्ट आएपछि हत्याको कारण खुल्नेछ । प्रहरीमा उजुरी दिने महिला हवल्दारका परिवारले मुद्दा दर्ता गरी कारबाही अघि बढाइने भएको छ ।