काठमाडौं : काठमाडौंमा एमसीसीको विरोध प्रदर्शनमा आइतबार झडप भएको छ । नयां बानेश्वर क्षेत्रमा भएको सो प्रदर्शनमा झडप हुँदा १५ प्रहरीसहित २३ जना घाइते भएका छन् ।
१५ प्रहरी र ८ प्रदर्शनकारीहरु सिकिस्त रहेको प्रहरीले जनाएको छ ।
काठमाडौं प्रहरी प्रवक्ता एसपी दिनेश मैनालीसहित अन्य धेरै प्रहरी ढुंगाले लागेर सामान्य घाइते भएका छन् । अस्पताल भर्ना गरिएका प्रहरीमा हात भाँच्चिएका र मुखमा चोट बोकेका पनि छन् ।
५० जना प्रदर्शनकारी पक्राउ परेका छन् । पक्राउ पर्नेमा २ जना महिला पनि छन् ।
स्थिति नियन्त्रणमा लिन प्रहरीले ६ राउन्ड रबर गोली प्रहार गरेको थियो भने अश्रु ग्याँस र पानीको फोहोरा पनि प्रहार गरिएको थियो ।
