कावासोती : नवलपुरमा लागुऔषध सहित २ जना पक्राउ परेका छन् ।

गैँडाकोट नगरपालिका वडा नं २ नारायणी पुल नजिकैबाट नियन्त्रित लागुऔषध सहित २ जना पक्राउ परेका हुन् ।

राजमार्गमा प्रहरीले सवारीसाधन जाँच गर्ने क्रममा भैरहवाबाट काठमाण्डौ जादै गरेको लु १ ख ७८२३ नं को बसमा जाँच गर्ने क्रममा शंका लागी सोही बसमा सवार तनहुँ सुक्ला गण्डकी नगरपालिका ५ बस्ने वर्ष २६ का सुजन शाही र तनहुँ सुक्ला गण्डकी नगरपालिका २ बस्ने २४ बर्षीया प्रविना रानामगर पक्राउ परेको नवलपुर प्रहरीले जनाएको छ ।

शाहीले बोकेको झोलामा लुकाई छिपाई राखेको अवस्थामा डाईजापाम ४४ एम्पुल, नुफिन ४४ एम्पुल, फेनरागन ४६ गरी जम्मा १३४ एम्पुल लागुऔषध फेला पारिएको प्रहरीको भनाई छ ।

पक्राउ परेका दुवै जनाको सम्बन्धमा प्रहरीले थप अनुसन्धान् गरिरहेको छ ।