हरेक हप्ता गीतहरू बन्ने र रिलिज हुने गर्दछ । दिनदिन जसाे नै गितहरू रिलिज हुने गरेकाे छ । त्यस्तै लामो समय देखि अमेरिकामा बस्दै आईरहेका व्यवसायी बिरन भट्टराईको लगानीमा निर्माण भएको “सन्नी सन्नी” बोलको गीतको म्युजिक भिडियो रिलिज भएको छ ।

गोपी दाहालको शब्द र स्वरमा तयार भएको गीतको भिडियोलाई दर्पण मिडिया युटुब च्यानलबाट रिलिज गरिएको हो । गीतमा रिकेश गुरुङ ‘किज’ को अरेन्ज र एन.के ब्रोदर्सको संगीत रहेको छ ।

गीतले युवा पुस्तालाई बढी केन्द्रित गरेको छ भने गर्मीको मौसमलाई गीतले माया र प्रेम सहित बयान गरेको देखिन्छ । यो गीतको भिडियो निर्माण हुने बेला देखि नै निकै चर्चा भईरहेको थियो ।

गीतले जुन किसिमको शब्द प्रवाह गरेको छ त्यसै गरी भिडियोलाई पनि न्यायपूर्ण हिसाबले निर्माण गर्ने काम निर्माण टिमले गरेको छ । म्युजिक भिडियोमा छुट्टै पहिचान बनाउन सफल निर्देशक राजिव समरको निर्देशनमा यो भिडियो तयार भएको हो ।

भिडियोमा अनील कटवालको छायांकन, तारा थापा ‘किम्भे’ को सम्पादन र राजेश कुमारको कलर रहेको छ । यस्तै भिडियोमा अर्शु महर्जन, युरिक लामा, अनुराधा ढुंगाना, सलिना चौधरी, प्रेक्षा बानिया, स्वेता श्रेष्ठको अभिनय रहेको छ ।

काठमाडौँ उपत्यका भन्दा बाहिर यस भिडियोको छायांकन गरिएको हो । गीतको भिडियो हेर्दा बलिउड भिडियोबाट प्रभावित भएको देखिन्छ । भिडियोमा हलिउड र बलिउडको स्वाद मिश्रित देखिन्छ । भिडियोमा बि कनी ड्रेसको प्रयोग गरिएको छ । यस गीतको पोस्टर रिलिज हुँदा नै धेरैको माझमा खैलाबैला मच्चीसकेको अवस्था थियो ।

यस भिडियोका निर्माता बिरन भट्टराईले आफु र आफ्नो टिमले सक्ने मेहेनत गरेर यो भिडियो निर्माण गरेको र यसले सबैलाई मनोरंजन प्रदान गर्ने बिश्वास समेत ब्यक्त गरेका छन् ।

भिडियाे हेर्न यहाँ क्लिक गर्नुहाेस्

https://youtu.be/bg-tO-rps99Vw