चितवन, चैत २०- वि.सं.२०८२ साल चैत २० गते शुक्रबार, यस्तो छ ज्योतिषी भुपेन्द्र राज घिमिरेले तयार पार्नुभएको राशिफल

मेषः कुनै गोप्य स्रोतबाट लाभ मिल्न सक्नेछ । प्रेममा न्यानोपन आउनेछ । पहिले गरिएको लगानीबाट फाइदा मिल्नेछ । विद्यार्थी वर्गका लागि लाभदायक समय छ । लेखन, सिर्जना वा योजना निर्माणमा सफलता मिल्नेछ । आर्थिक लाभको संकेत बलियो देखिन्छ ।

वृषः उद्योग र व्यापारमा विशेष फाइदा हुनेछ । प्रतिद्वन्द्वीहरूलाई सजिलै हराउन सकिनेछ । सार्वजनिक जीवन वा नेतृत्व क्षमतामा सफलता मिल्नेछ । उच्च शिक्षा वा कानुनी निर्णयमा सफलता मिल्ने संकेत देखिन्छ ।

मिथुनः तपाईंको रचनात्मक स्वभावले मानिसहरूलाई प्रभावित गर्न सक्नुहुनेछ । असत्य बोल्ने जोसुकैलाई पनि कहिल्यै पनि विश्वास नगर्नुहोला । नयाँ काम सुरु गर्न आज अनुकूल समय छ । साथी वा जीवनसाथीसँग भावनात्मक कुराकानी गर्न राम्रो समय देखिन्छ ।

कर्कटः आज घरायसी आवश्यकता बढ्नाले अर्थ अभाव देखा पर्न सक्नेछ । । धैर्य एवं लगनशीलताले उपलब्धि दिलाउनेछ । एकपछि अर्को व्यवहारिक बोझ थपिने जोखिम छ । काम गर्नु अगाडि परिवारजनको सल्लाह लिनु राम्रो पक्ष हुनेछ ।

सिंहः पुरुषार्थी कामले समाजमा स्थापित बनाउनेछ । चुनौती पन्छाएर पनि नयाँ काममा जग बसाउने मौका छ । मित्र तथा शुभचिन्तकहरुको साथसहयोग प्राप्त हुनेछ । महत्वपूर्ण कार्य सम्पन्न हुनाले आत्मविश्वास बढ्नेछ ।

कन्याः आज धनलक्ष्मी योग परेको छ । परिवारको साथमा रमाइलो घुमघामको तय हुनेछ । बहुप्रतीक्षित आकाङ्क्क्षाले पूर्णता पाउने समय छ । रमाइला गतिविधिमा आजको दिन व्यतीत हुनेछ । आफूलाई विश्वास गर्ने व्यक्तिलाई कहिल्यै नढाँट्नु राम्रो पक्ष हुनेछ ।

तुलाः दिन राम्रो रहेको छ । गरेको कामबाट सन्तुष्टि मिल्नेछ । राजनीतिक क्षेत्रमा तपाईंको प्रगति हुनेछ । व्यापार व्यावसायमा नाफा आर्जन गर्ने समय छ । आफ्नो पहिचान दिलाउन तथा कलात्मक भावनालाई प्रस्फुटन गर्न समय अनुकूल देखिन्छ ।

बृश्चिकः हतारको निर्णयले अप्ठ्यारो पार्ने हुँदा सजग रहनुहोला । आफन्तले भन्दा बाहिरका व्यक्तिको सहयोग प्राप्त हुनेछ । इज्जतका लागि सम्पत्ति खर्च गर्नु पर्ने होकि जस्तो देखिन्छ । शैक्षिक क्षेत्रमा थप मिहिनेतको खाँचो देखिन्छ ।

धनुः महत्वकांक्षी योजनाहरू पूरा गर्ने समय रहेको छ । आर्थिक पक्ष सबल रहनेछ । कार्यको सन्दर्भमा विशिष्ट व्यक्तिहरूसँग मित्रता बढ्नेछ । अध्ययन अध्यापनमा राम्रो उपलब्धि प्राप्त हुनेछ । समय आफ्नो अनुकुल हुँदा मन प्रसन्न रहनेछ ।

मकरः ठूलाबडाको सहयोग लिन सके नबन्ने काम पनि बन्नसक्नेछ । गुमेको स्थान प्राप्त हुनुका साथै समाजमा आफ्नो वर्चस्व बढ्नेछ । दैनिक काममा पनि उल्लेख्य फाइदा हुनेछ । व्यापारतर्फ थोरै लगानीबाट पनि मनग्य नाफा उठाउन सकिनेछ ।

कुम्भः समुदायको हितमा राम्रै काम गर्न सकिनेछ । बिछोडिएका आफन्तसँग भेटघाटको अवसर जुट्न सक्नेछ । सहयोगीहरूले राम्रो साथ दिनेछन् । अवसरका साथ केही चुनौती देखा परेपनि नयाँ कामको प्रस्ताव आउनेछ ।

मीनः आकस्मिक समस्याले दौडधुप गराउन सक्नेछ । कामको चाप बढ्नेछ भने शरीरमा कमजोरी अनुभूति हुनेछ । हिस्सेदारसँग असमझदारी बढ्नाले पहिलेको सम्झौता भंग हुन सक्नेछ । महत्त्वपूर्ण योजना तत्काल सार्वजनिक नगर्नु राम्रो पक्ष हुनेछ ।