चितवन : चितवनमा यसबर्ष शिक्षक बिरुद्ध ५ वटा उजुरी दर्ता भएका छन् । जिल्लाका प्रहरी कार्यालय चितवनका अनुसार बालयौन दुराचार सम्बन्धि ५ वटा उजुरी दर्ता भएको हो । प्रहरी नायव उपरिक्षक रविन बिस्टका अनुसार ५ जनामध्ये दुईजना लाई पुर्पक्षका लागी थुनामा लगिएको छ भने ३ जना लाई धरौटीमा छुटाइएको छ ।

बिद्यार्थीलाई जबर्जस्ती करणी गरेको आरोपमा गत चैत १८ गते एक निजि स्कूलका शिक्षक कृष्ण गुरुङलाई पक्राउ गरिएको थियो । २७ वर्षिय गुरुङलाई अहिले पुर्पक्षका लागी थुनामा राखिएको छ ।

त्यस्तै गैँडाकोटमा सञ्चालित एक प्राविधिक बिद्यालयमा अध्यनरत एक छात्रालाई जबर्जस्ती करणी गरेको आरोपमा इन्स्टिच्युट संचालक शिव काफ्लेलाई पक्राउ गरि पुर्पक्षका लागी थुनामा राखिएको छ । २७ वर्षका काफ्ले माथि आफ्नै इन्स्टिच्युटमा अध्ययन गर्ने नाबालिका माथि यौन हिंसा गरेको आरोप लागेको थियो ।

विद्यालयमा अध्ययनरत छात्रालाई यौन दुव्र्यहार गरेको आरोपमा चितवनमा तीन जना शिक्षक पक्राउ परेका थिए । यौन दुव्र्यवहार गरेको आरोपमा माडिको एक सामुदायिक विद्यालयका शिक्षक सुरज लामिछाने,  भरतपुर महानगरपालिका अन्तर्गत एक सामुदायिक विद्यालयका शिक्षकहरु विमलप्रसाद देवकोटा र फणिन्द्र भट्टराई पक्राउ परेका थिए ।

३७ वर्षिय शिक्षक लामिछाने ५० हजार धरौटीमा छुटेका छन् भने ५२ वर्षका देवकोटा र ५८ वर्षका भट्टराई ७५/७५ हजार रुपैँया धरौटीमा छुटेका छन् ।

प्रहरी कार्यलय चितवनका प्रहरी नायव उपरिक्षक रविन बिस्टले छात्राहरुले आफुमाथी भएको हिंसा बाहिर ल्याउन डराउने भएका कारण पनि यस्ता घटना बढेको बताउँछन् । साथै शिक्षकको खराब नियतका कारण पनि यस्ता घटना बढेको उनको बुझाइ छ ।