शनिवार राति चलेको हावाहुरी र वर्षाले एउटा गाउँ नै तहसनहस बनाएको छ । शनिवार बेलुका करीब ७ बजे तिर चलेको हावाहुरी र वर्षाले एउटा गाउँ नै तहसनहस बनाएको हो ।
हावाहुरी र वर्षाले २५ वटा भन्दा बढी घरको पुरै छाना उडाएको छ ।थप १ सय ५० भन्दा बढी घरमा क्षति पुर्याएको छ ।
हावाहुरीमा परेर एक जना घाइते भएका छन् । घाइते भएकी ६५ बर्षिय बोध कुमारी बोहोरालाई शनिबार राती नै उपचारको लागी मन्थली लगिएको स्थानिय संतोष सोडारीले बताए ।
हावा हुन्डरी संगैको वर्षाले स्थानियको घरमा भएको धान मकै कोदो गहुँ लगायत अन्न बाली सबै भिजेको छ । केहि अन्न पानीले भिजेका कारण कामै नलाग्ने भएको छ ।
हुरिले ३ वटा पसलको छाना उडाउदा पसलमा रहेको समान भिजेर नष्ट भएको दिलिप बुढाथोकी बताउँछन् । ‘दुखसुख गरेर जोरजाम गरेको पैसाले सानो व्यवसाय सुरु गरेका थियौ, त्यो पनि दैवले देखि सहेन । अब फेरि कसरि सुरु गर्नु यो व्यवसाय ?’ बुढाथोकीले भने ।हुरिका कारण ४ सय बर्ष भन्दा पुराना रुखहरु समेत उखलिएको छ । गाउँमा रहेका धेरै रुख बिरुवाहरुको हागाँ भाँचिएर घर थिचेको छ भने सडक समेत अवरुद्ध बनेको छ ।आफुले थाहा भए देखि यस्तो हावाहुरि नआएको ९१ वर्षीय जयलक्ष्मी श्रेष्ठ बताउँछिन । ‘राती उडाएर लैजाला जस्तो लागेको थियो धन्न मरिएन बाँचियो ।’ जयलक्ष्मीले भनिन् ।
मन्थली नगरपालिकाका नगर प्रमुख रमेशकुमार बस्नेतल्े नगरपालिकाले क्षतिको विवरण संकलन सुरु गरेको जानकारी दिए ।जिल्ला प्रशासन कार्यालय रामेछाप, जिल्ला प्रहरी कार्यालय, र सशस्त्र प्रहरी बल रामेछापको टोलीले उद्दार गर्नको साथै घर घरमा गएर घट्नाको बिबरण संकलन गरिरहेको प्रहरी नायब उपरिक्षक राजकुमार थिङले बताए ।रेडक्रस रामेछापका मन्त्री जयप्रकाश श्रेष्ठको नेतृत्वमा गएको रेडक्रसको टिमले पिडितको घर घरमा गएर त्रिपाल बाँडेको छ । हाललाई छानो नहुने परिवारका लागि केहि राहत पुगोस् भनेर तत्काल त्रीपाल दिएको श्रेष्ठ बताउँछन् ।
