काठमाडौको रानिबारिमा एउटा तरकारी बेच्ने ठेला बाटोमा थियो । यसो त तरकारी बेच्ने त्यस्ता ठेला तथा पसलहरु थुप्रै भेटिन्छन काठमाडौमा । तर उक्त ठेलामा तरकारी मात्र थिएन । एउटा सानो ठेला जसमा सागका मुठाहरु थिए र त्यही बिचमा एउटा तरकारी राख्ने क्यारेट पनि । उक्त क्यारेटमा भने तरकारी नभएर एउटा ९ महिनाको बच्चा थियो । तरकारी र क्यारेटमा बच्चा राखिएको ठेला लिएर हिडिरहेकी थिइन एक महिला । उनको दैनिकी यसरी नै बित्ने गरेको रहेछ ।
रसुवाकी कुमारी बस्याल काठमाडौमा कोठाभाडामा बस्दै आएकी छिन । उनी अहिले दैनिक १०० रुपैयाँ कमाउनका लागि यसरी दुख गरिरहेकी छिन । बच्चालाई लिएर घर मै बस्ने रहर सबैलाई हुन्छ तर आफ्नो भने बाध्यताले गर्दा नै यसरी ठेलामा लिएर हिड्नु परेको कुमारिले बताएकी थिइन । आफू कोठामा एक्लै भएकोले पनि बच्चालाई हेरचाह गर्ने कोहि नभएर यसरी हिड्नु परेको उनको भनाई थियो । अहिले ९ महिना पुगेको बच्चालाई कुमारिले ४ महिनाको हुदाँबाट नै यसरी ठेलामा लिएर हिड्न थालेको बताएकि थिइन् ।
उनको त्यस्तो अवस्थाको भिडियो बाहिरिए पछि अहिले उनलाई सहयोग गर्ने भन्दै आफ्ना दुई छोरी सहित मान बहादुर श्रेष्ठ उनलाई सहयोग गर्न भने केही राहत सामाग्री लिएर उनको कोठामा पुगे । तर त्यहा पुगेर कुमारी बस्यालको दुख सुन्दा उनिहरुको आँखाले आँ’सु रोक्न सकेन । सहयोग गर्न गएका उनिहरु त्यहा आखाभरी आँ’सु लिएर बसेका थिए । मानबहादुरकी छोरिले भने आफुहरु पनि दुख गरेर नइ अहिले केही कमाएर बसेको हुनाले दु’ख के हो भन्ने बुझेकोले नै आँ’सु नरोकिएको बताईन ।
आफुहरुले त्यो सानो नानी बिहान बिहानै चिसोमा ठेलामा राखेर हिडेको देख्दा मन दु’खे’र नै केही सहयोग गरौ भनी आएको उनिहरुले बताए । आफुहरु पनि धेरै हुनेखाने नभएता पनि सानो सहयोगले पनि उहालाई केही राहत हुन्छ भन्ने सोचले आएको बताए । कुमारीले भने आफुले यसरि सहयोग पाउँदा आफ्नो पनि कोहि रहेछ भन्ने लागेको बताईन । उनले आफ्ना धेरै सपनाहरु थिए ती सबै अहिले हराई सकेको र अब जसरी पनि यहि बच्चालाई हुर्काउन दुख गर्ने बताईन ।
आफुले नानी जन्मिद देखि तातो केही खान नपाएको उनी बताउँछिन । कहिले कोठामा ग्यास सकिदा चाउचाउमा पानी हाली खाएर बस्नु पर्ने अवस्था पानी आएको उनी बताउँछिन । यस्ता थुप्रै दुखहरु भोग्दै आएकोमा अहिले यसरी सहयोग पाइदा उहाहरुलाई भगवान नै ठानेको उनी बताउँछिन । रामेछाप माइती भएकी उनी बिबाह गरेर बच्चा पेटमा हुदाँ नै श्रीमानले छाडेर हिडेको कुमारी बताउँछिन । पहिले पनि तरकारी नै बेच्दै आएको उनको भनाई छ । नानी जन्मिएको केही महिनासम्म कोठामै बसेको र पहिले कमाएको सकिन लागे पछि माग्नु भन्दा आफुले जानेको काम गरेर खाने भन्ने सोच आएर नै आफुले फेरि सुरु गरेको उनको भनाई छ ।
यसरी साग बेच्दै हिड्दा दैनिक १०० रुपैया देखि १५० रुपैयाँसम्म कमाउने गरेको कुमारीको भनाई छ । उक्त रकम बच्चाको लागि पुग्ने उनी बताउँछिन ।अहिले भने बेपत्ता भएका श्रीमानले फोन गरि जहाँ भेट्यो त्यही मार्दिने भन्दै धम्की दिने गरेको कुमारी बताउँछिन । आफुले बच्चाको जन्मदर्ता बनाइदिन भन्दा श्रीमानले जन्मदर्ता बनाउने होइन तिमिहरु दुबैलाई मार्ने भन्दै धम्की दिने गरेको कुमारी बताउँछिन । (भिडियो हेर्नुस)
