गैँडाकोट, असोज ६। गामबेसी साँस्कृतिक कला केन्द्रको चौथो वार्षिक साधारणसभा तथा प्रथम अधिवेशन सम्पन्न भएको छ। संस्थाका अध्यक्ष कमल बहादुर कुँवरको अध्यक्षतामा सम्पन्न कार्यक्रममा गैँडाकोट नगरपालिकाका नगर प्रमुख मदन भक्त अधिकारी प्रमुख अतिथिका रूपमा उपस्थित हुनुहुन्थ्यो।

कार्यक्रममा राष्ट्रिय लोक तथा दोहोरी गीत प्रतिष्ठान नेपालका संस्थापक अध्यक्ष अमर बिरही गुरुङ र केन्द्रीय उपाध्यक्ष दीपक खड्का विशिष्ट अतिथिका रूपमा सहभागी हुनुहुन्थ्यो।

कार्यक्रमको उद्घाटन प्रमुख अतिथि नगर प्रमुख अधिकारीले दीप प्रज्वलन गरी गर्नुभएको थियो। संस्थाका उपाध्यक्ष कृष्ण प्रसाद सापकोटाले स्वागत मन्तव्य राख्नुभएको थियो भने कार्यक्रमको सञ्चालन लोकगायिका लक्ष्मी गौतम शर्माले गर्नुभएको थियो।

कार्यक्रममा गामबेसी साँस्कृतिक कला केन्द्रका सल्लाहकार संयोजक डि.बि. परियार, राष्ट्रिय लोक तथा दोहोरी गीत प्रतिष्ठान नेपालका जिल्ला अध्यक्ष बुद्धिनाथ घिमिरे, सल्लाहकारहरू कमल प्रसाद पराजुली, मीन बहादुर अधिकारी र महेन्द्र भक्त अधिकारी लगायतको उपस्थिति रहेको थियो।

त्यसैगरी गैँडाकोट–५ का पूर्व वडा अध्यक्ष नवराज कडेल, जनप्रतिनिधिहरू धना परियार र चन्द्र बहादुर विश्वकर्मा, जयश्री वनका अध्यक्ष भिम बहादुर कुमाल तथा युवा समाजसेवी राजेश पौडेल लगायतको आतिथ्यता रहेको थियो।

कार्यक्रममा गामबेसीका कलाकारहरूले विभिन्न मौलिक तथा सांस्कृतिक प्रस्तुति प्रस्तुत गरेका थिए। अतिथिहरूको सम्मान तथा सत्कारको व्यवस्थापन राधिका कार्कीले गर्नुभएको थियो।

अधिवेशनको बन्द सत्रमा निर्वाचन मण्डलका संयोजक बुद्धिनाथ घिमिरेले नवनिर्वाचित कार्यसमितिका पदाधिकारी तथा सदस्यहरूलाई पद तथा गोपनीयताको शपथ गराउनुभएको थियो।

अधिवेशनबाट कमल बहादुर कुँवरको अध्यक्षतामा नयाँ कार्यसमिति निर्वाचित भएको छ। जस अनुसार उपाध्यक्ष उपाध्यक्ष: कृष्ण प्रसाद सापकोटा,सचिव: सुदर्शन श्रेष्ठ,कोषाध्यक्ष: मीना खत्री, सह-सचिव: इश्वरी खत्री (इशा),सदस्य: राम बहादुर थापा,सदस्य: इन्द्र कुमारी पौडेल,सदस्य: राधिका कार्की,सदस्य: जीवन कुमारी कुमाल,सदस्य: गिरिमान परियार,सदस्य: चन्द्र बहादुर परियार,सदस्य: दिलु शर्मा भण्डारी, सदस्य: शिशिर घिमिरे रहेका छन । नवनिर्वाचित कार्यसमितिले नेपाली मौलिक कला, संस्कृति, लोकपरम्परा तथा लोकबाजाको संरक्षण, संवर्द्धन र नयाँ पुस्तामा हस्तान्तरण गर्ने अभियानलाई निरन्तरता दिने जनाएको छ ।
गामबेसी साँस्कृतिक कला केन्द्रले स्थानीय कला, संस्कृति र परम्पराको संरक्षणसँगै सांस्कृतिक गतिविधिमार्फत नयाँ पुस्तालाई मौलिक संस्कृतिसँग जोड्ने उद्देश्यले विभिन्न कार्यक्रम सञ्चालन गर्दै आएको छ ।