के हुन्छ जब विहे गरेको राति नै दुलाह केटीमा परिवर्तन हुन्छन् ? यस्तै एक अनौठो घटना नेपालमैं देखा परेको छ । फोनकै कुराकानीमा बसेको माया प्रेमले यतिसम्मको समस्या उत्पन्न गरेको हो । कञ्चनपुरको बेलडाँडी गाउँपालिकाकामा बस्दै आएकी १८ वर्षीया कल्पनाले सपनामा समेत नसोचेको कुरा भोग्नु परेको हो ।

जानकारी अनुसार तीन–चार महिना फोनमा कुरा भएपछि बेलौरी नगरपालिका–७ रामनगरका २५ वर्षीय कमल रानाले कल्पनालाई बिहेको प्रस्ताव राखेका थिए । फोनमार्फत बसेको लामो प्रेमपछि कमलको विवाहको प्रस्ताव कल्पनाले स्वीकार गरेकी थिइन् । हिँडदा, उठ्दा, बस्दा उनलाई कमलकै याद आउँन थाल्यो ।

पछि जे भयो त्यो कुरा उतिबेला कसैले सोच्नसक्नेपनि छैन । मिलेको जिउडाल, कपालको स्टाइलले कल्पनाको मन कमलतर्फ लगेको थियो । कमलले बारम्बार कल्पनासँग बिहेको प्रस्ताव गर्दै आएका थिए । कमल कल्पनासँग विहे गर्नका लागि तयार भएर बसेका थिए । कल्पनाका दाइले कमलसँग उनको बिहे गर्दिएका हुन् । सामान्य आर्थिक हैसियत भएकाले कल्पनाका दाइले उनीहरुको टीकाटालो गरेर बहिनी अन्माएको जानकारी दिएका छन् ।

कल्पना र उनको परिवारलाई कमलले आफु गैरसरकारी संस्थामा जागिरे समेत भएको जानकारी गराएका थिए । कमलले शुक्लाफाँटा नगरपालिका–४ असैनामा डेरा गरेर बस्दै आएको घरमा कल्पनालाई भित्र्याएका थिए । तर बिहे गरी ल्याएको पहिलो रात मात्र कल्पनाले थाहा पाइन् कि कमल त कमाल रहेछन् ।

अर्थात् कमल केटा नभएर केटी नै भएको खुलासा भयो । स‍ँगै सुत्दासमेत श्रीमान श्रीमतीबीच हुने कार्य सुरु नगरेपछि अझ टाढा टाढा हट्न थालेपछि कल्पनाले यसबारे थाहा थाएकी हुन् । विवाहपछि जब कमल नामले चर्चामा आएकी ति युवतीले म पनि केटी नै हुँ भनेर बताएपछि कल्पनाले माइतीलाई सबै कहानी सुनाएकी हुन् । रुँदै अभिभावकलाई कल्पनाले कमलबारे सबै बताएपछि उनका माइतीको होससमेत उड्यो ।

अभिभावकले यसबारे इलाका प्रहरी कार्यालय झलारीमा ‘झुक्यानमा पारेर विवाह गरेर ल्याएको’ उजुरी गरेका छन् । प्रहरीले कमल र कल्पनालाई सँगै राखेर शनिबार कुरा गरेपछि घटनामा नयाँ ट्वीस्ट आएको छ । कमल नामले चर्चामा आएकी ति युवती राना बहाइ धर्म प्रचारक पनि रहेको खुल्न आएको छ । धर्म प्रचारक भएदेखि उनले नाम परिवर्तन गरेकी थिइन् । उनकी आमा रामले कमल आफ्नी छोरी भएको भन्ने कुरा स्वीकार गरेकी छिन् ।

झलारी प्रहरीका प्रहरी निरीक्षक कर्ण बहादुर बोहराले दुवै जनालाई अभिभावक जिम्मा लगाइएको जानकारी दिनुभयो । प्रहरीले विवाह सम्बन्धमा आवश्यक थप अनुसन्धान सुरु गरेको छ । कमलको भनाइ उद्धृत गर्दै प्रहरीले भनेको छ, ‘सबै थोक दिन सक्छु तर श्रीमान श्रीमतीबीच हुने सन्तुष्टि दिन सक्दिनँ भनेर सबैसामु भनेका छन् । उनको भनाइले पनि उनी केटा चै होइनन् ।’ परिवारका अनुसार सानैदेखि केटी भएर पनि केटाकै हाउभाउ देखाउने गरेका थिए ।

नोट माथि उल्लेख गरिएका कल्पना र कमल नाम वास्तविक होईनन् । विशेष कारणले गर्दा हामीले दुवै जनाको नाम परिवर्तन गरेका छौँ ।