गैँडाकोट, नवलपुर । राष्ट्रिय स्वतन्त्र पार्टी (रास्वपा) का अर्जुन रिमालले आगामी स्थानीय तह निर्वाचन २०८४ का लागि गैँडाकोट नगरपालिका वडा नम्बर ३ को वडा अध्यक्ष पदमा उम्मेदवारी दिने तयारीसहित पार्टीको उम्मेदवार क्लबमा आफ्नो नाम दर्ता गराएका छन्।
गैँडाकोट–३ को ढोडेनी निवासी रिमालले पार्टीको उम्मेदवार क्लबमा नाम लेखाउँदै आगामी निर्वाचनका लागि आफ्नो दाबेदारी प्रस्तुत गरेका हुन्।
पार्टीको उम्मेदवार क्लबमा नाम दर्ता गराउनु उनको चुनावी यात्राको प्रारम्भिक कदमका रूपमा देखिएको छ। आगामी दिनमा वडाको विकास, सुशासन र जनताको आवश्यकतालाई प्राथमिकतामा राख्दै अघि बढ्ने उनको लक्ष्य रहेको छ।
गैँडाकोट–३ मा रास्वपाबाट वडा अध्यक्षका आकांक्षीका रूपमा अर्जुन रिमालको नाम सार्वजनिक भएसँगै आगामी स्थानीय निर्वाचनलाई लिएर राजनीतिक चासो बढ्ने देखिएको छ।

