रत्ननगर, १६ माघ । पूर्वी चितवनको रत्ननगरमा अवस्थित प्याराडाइज यूवा क्लबले जेष्ठ नागरिकहरुलाई न्यानो कपडा वितरण गरेको छ। क्लबले एक कार्यक्रम आयोजना गरेर रत्ननगर नगरपालिका वडा न ७ का २३ जना जेष्ठ नागरिक र ४ जना अपाङ्ग लाई सम्मान गर्नुको साथै न्यानो कपडा वितरण गरेको हो ।

कार्यक्रमको प्रमुख अतिथि रत्ननगर वडा न. ७ का वडा अध्यक्ष सजना महतोले जेष्ठ नागरिकहरुलाई स्वीटर र ट्राउजर प्रदान गर्नु भएको थियो । कार्यक्रममा बोल्दै महतोले विगतमा सामाजिक काममा योगदान पुर्याएका जेष्ठ नागरिकलाई सम्मान गरेर क्लबले प्रशंसनिय काम गरेको बताउनुभयो । उहाँले क्लबसँग सधैभरी सहकार्यगरेर अगाडी बढ्ने समेत बताउनुभयो ।

प्याराडाइज यूवा क्लबका अध्यक्ष शरदकुमार महतोको अध्यक्षतामा भएको कार्यक्रममा निवर्तमान वडा सदस्य जेनी थरुनी, निवर्तमान क्लबका अध्यक्ष मथूरा चौधरी र नेपाली काँग्रेस वडा न ७ सभापती कन्चन महतोले क्लबले गरेको कामको प्रशंसा गर्नुको साथै खेलमैदानलाई संरक्षण गर्न सुझाव दिएका थिए ।