गैंडाकोट
दिगो विकासका लक्ष्य प्राप्तिमा युवाको भूमिका विषयक निबन्ध प्रतियोगिता आयोजना गरि गैंडाकोटमा अन्तराष्ट्रिय युवा दिवस मनाइएको छ । शिक्षा युवा तथा खेलकुद शाखाको आयोजना तथा नगर युवा सञ्जाल गैंडाकोटको सह आयोजनामा संचालित प्रतियोगितामा गैंडाकोट नगर भित्रका विद्यालय र खुल्ला रुपमा गरि १६ देखि २४ बर्ष भित्रका १८ जना युवा विद्यार्थीहरुको सहभागिता रहेको थियो ।
प्रमुख अतिथी गैंडाकोट नगर शिक्षा समिति सदस्य तथा जनक नमुना माध्यमिक विद्यालयका प्रधानाध्यापक चूडामणि शर्मा कंडेलले कार्यक्रममा मन्तव्य राख्दै युवा नै देश विकासका आधार स्तम्भ भएकाले युवालाई व्यवहारिक शिक्षा र रोजगारीका अवसर सिर्जना गर्न राज्यले नितीगत व्यवस्था गर्नुपर्ने कुरामा जोड दिए । विशिष्ट अतिथी शिक्षा युवा तथा खेलकुद शाखाका अधिकृत हेमचन्द्र पौडेलले युवाहरुलाई सिर्जनशील,सीपयुक्त,उद्यमी र जिम्मेवार नागरीकको रुपमा विकासित हुने बातावरण आजको आवश्यकता रहेको कुरामा जोड दिए । प्रतियोगिताको नतिजा विशेष कार्यक्रम गरि पछि प्रकाशन गरिने शिक्षा युवा तथा खेलकुद शाखा अधिकृत हेमचन्द्र पौडेलले जानकारी दिए ।
गण्डकी प्रदेश युवा सञ्जालका कोषाध्यक्ष तथा गैंडाकोट नगर युवा सञ्जाल उपाध्यक्ष प्रमिता सापकोटाको अध्यक्षतामा सम्पन्न निबन्ध प्रतियोगिता कार्यक्रमको सहजीकरण गण्डकी प्रदेश युवा सञ्जाल सहसचिव तथा गैंडाकोट नगर युवा सञ्जाल सहसचिव सुगम पोख्रेलले गरेका थिए । कार्यक्रममा नगर युवा सञ्जाल सदस्य आयुष पौडेलले स्वागत मन्तव्य राखेका थिए । कार्यक्रमा शिक्षा युवा तथा खेलकुद शाखा प्रास दिलमाया लम्साल,नारायणी माध्यमिक विद्यालय सहायक प्रधानाध्यापक जगन्नाथ उपाध्याय,जनता माध्यमिक विद्य्रालयका शिक्षक प्रतिनिधी दयाराम पौडेल,युवा सञ्जाल सदस्य प्रकृति कण्डेल र अंकिता देवकोटाको उपस्थिती रहेको थियो ।
