धार्मिक एवम सामाजिक व्यक्तित्व दुर्गाप्रसाद घिमिरेको स्वर्गारोहणको १०औं दिनको पुण्यतिथिमा नेपाली काँग्रेस गैंडाकोटले शोक सभा सम्पन्न गरेको छ ।

सभापति बद्री सापकोटाको अध्यक्षता रहेको सो कार्यक्रममा नेपाली काँग्रेसका नेता एवम् संघीय सांसद प्राध्यापक डाक्टर शशांक कोइरालाले श्रद्धाञ्जलि अर्पण गर्दै दु:ख व्यक्त गर्नुभयो । कार्यक्रममा गण्डकी प्रदेशका पूर्व मुख्यमन्त्री एवम नेपाली काँग्रेसका केन्द्रीय सदस्य कृष्णचन्द्र नेपाली ठूलो परिवारका हस्तीलाई गुमाउँदा पार्टीलाई क्षति पुगेको बताउनुभयो ।

असल स्वभावका धनी धार्मिक एवम सामाजिक व्यक्तित्व स्वर्गीय दुर्गाप्रसादको जीवनी नेता टोलनाथ घिमिरेले प्रस्तुत गर्नुभएको थियोे । क्षेत्रीय सभापति अमृत भट्टचनले क्षेत्रको तर्फबाट श्रद्धाञ्जलि र समवेदना ज्ञापन गर्नुभएको सो कार्यक्रमको सहजीकरण नगर सचिव गोविन्द घिमिरेले गर्नुभएको थियो ।

एक श्रीमती, तीन छोराबुहारी, दुई छोरी ज्वाइँ र आफन्तका धनी स्वर्गीय दुर्गाप्रसाद नेपाली काँग्रेस महाधिवेशन प्रतिनिधि नेतृ संगिता घिमिरेका ससुरा हुनुहुन्थ्यो । गैंडाकोट स्थापना कालका व्यक्तिहरूमा स्वर्गीय घिमिरे पर्नुहुन्छ ।