चितवन, २६ साउन । अपाङ्गता भएका बालबालिकाहरुको शैक्षिक सवालका बारेमा शनिबार भरतपुरमा सञ्चारकर्मीहरुसँग अन्तरक्रिया गरिएको छ ।

अन्तरक्रियाका क्रममा अटिजम केयर सोसाइटी चितवनका सुशील मगरले अपाङ्गता विभिन्न १० प्रकारको हुने बताउनुभयो । ती सबै व्यक्तिहरुलाई सम्बोधन गर्ने शब्द फरक भएका भन्दै मगरले शारीरिक अपाङ्गता, दृष्टि सम्बन्धी अपाङ्गता, श्रवण दृष्टिविहीन अपाङ्गता, स्वर र बोलाइ सम्बन्धी अपाङ्गता, मानसिक वा मनोसामाजिक अपाङ्गता, बौद्धिक अपाङ्गता, अनुवंशीय रक्तश्राव ९हेमोफिलिया० सम्बन्धी अपाङ्गता, अटिजम सम्बन्धी अपाङ्गता र बहु अपाङ्गता हुने गरेका मगरले बताए ।

आफूहरुले भरतपुर र कालिका नगरपालिकामा अपाङ्गता भएका बालबालिकाको लागि शैक्षिक कार्यक्रम सञ्चालन गर्दै आएको मगरको भनाइ छ ।
सार्वजनिक स्थानमा निर्माण गरिने पूर्वाधार अपाङ्गतामैत्री हुनुपर्ने भन्दै सरोकारवालासँग अन्तरक्रिया र छलफल गर्दै आएको भए पनि त्यसले मूर्तरुप लिन नसकेको मगरले बताउनुभयो । अन्तरक्रियाका क्रममा अपाङ्गताको बारेमा आम जनसमुदायको बुझाइ र धारणाको बारेमा छलफल, अपाङ्गता भएका व्यक्तिहरुको लागि प्रयोग गरिने मर्यादित शब्दको बारेमा छलफल गरिएको थियो ।

कार्यक्रममा अपाङ्गता भएका व्यक्तिहरुको शिक्षाको लागि राष्ट्रिय तथा अन्तर्राष्ट्रिय कानुनी प्रावधान र कार्यान्वयनको अवस्थाको बारेमा वीरेन्द्र थापाले जानकारी गराउनुभएको थियो । त्यस्तै, अपाङ्गता भएका बालबालिकाहरुको शिक्षाका सवालहरु र सवाल उठानमा सञ्चारकर्मीको भूमिका बारेमा शर्मिला तामाङले सहजीकरण गर्नुभएको थियो ।