गैंडाकोट । गैंडाकोटमा स्कुल बसको ठक्करबाट एक बालकको मृत्यु भएको छ।

गैंडाकोट–६ का ५ वर्षीय स्वस्थी बाचेको गैंडाकोट नगरपालिका वडा नं. ५ स्थित साईनिङ्ग बोर्डिङ स्कुलको ना १ क ३६६७ नम्बरको बसको ठक्करबाट मृत्यु भएको हो।

दुर्घटना अपराह्न ४:३० बजे भएको थियो। बसको ठक्करबाट गम्भीर घाइते बालकलाई भरतपुरस्थित पुरानो मेडिकल कलेज लगिएको थियो तर राति ९ बजे उनको मृत्यु भयो। जिल्ला प्रहरी कार्यालय नवलपरासीले बालकलाई ठक्कर दिने बस र चालकलाई इलाका प्रहरी कार्यालय गैंडाकोटले नियन्त्रणमा लिएको जानकारी दिएको छ।