पछिल्लो २४ घण्टामा चितवनमा ८१ जनामा कोरोना भाइरस संक्रमण पुष्टि भएको छ। एन्टिजेन र पिसिआर गरी ४४१ जनाको कोरोना परीक्षण गराएको मध्यमा ८१ जनामा संक्रमण पुष्टि भएको हो ।

भरतपुर महानगरपालिकाभित्र मात्रै ७० जनामा संक्रमण पुष्टि भएको स्वास्थ्य कार्यालय चितवनको तथ्यांकाले जनाएको छ भने बाँकी ११ जनामा रत्ननगरमा ५, राप्ती र कालिकामा २/ २ जना तथा खैरहनी र इच्छाकामनामा १/१ जनामा संक्रमण पुष्टि भएको स्वास्थ्य कार्यालयले जनाएको छ।
हाल चितवनमा सक्रिय संक्रमितको संख्या मात्रै २४० पुगेको छ। तीमध्ये आठ जना अस्पतालको आइसोलेसन केन्द्रमा उपचाररत छन् भने बाँकी २३२ जना होम आइसोलेसनमा छन्।