चितवन – स्व विनिता पौडेल स्मृति नाइन ए साइड फुटबलमा शारदानगर युवा क्लब र चन्द्रनगर एफसीले सहज जित हात पारेको छ ।
आज (आइतबार) भएको पहिलो खेलमा शारदानगरले युनिक क्लब बसेनीलाई हरायो। शारदानगरले ३-१ ले को सहज जित हात पारेको हो ।
दोस्रो खेलमा चन्द्रनगर एफसी विजयी भयो । चन्द्रनगरले दिव्यनगर एफसीलाई ४-१ ले स्तबध पार्यो । प्रतियोगिता अन्तर्गत सोमनार पनि दुई खेल हुनेछ । पहिलो खेलमा एमजी स्टार एफसी र न्युज नेपाल एफसी भिड्नेछन् । यस्तै दोस्रो खेलमा पार्वतीपुर एफसी र चितवन एफसी भिड्ने आयोजकले जनाएको छ । दिव्यज्योती एफसीको आयोजनामा जारी प्रतियोगितामा चितवन र मकवानपुरमा २० टोली सहभागी छन् । १४ गते सम्म चल्ने प्रतियोगिताको विजेताले ५० हजार रुपैयाँसहित ट्रफी र उपविजेताले ३० हजार रुपैयाँ प्राप्त गर्नेछन् । बिभिन्न पाँच विधामा विधागत उत्कृष्ट हुने खेलाडीले पनि पुरस्कार प्राप्त गर्नेछन् ।
