चितवन : शुक्रबार साँझको भीषण हावाहुरीसहितक्को वर्षाका कारण अवरुद्ध भएको विद्युत सेवा अझै सञ्चालन हुन सकेको छैन ।

शुक्रबार साँझको हावाहुरीले बिभिन्न ठाउँमा पोल ढल्नुका साथै ट्रान्सफर्मर बिग्रिनुका साथै तार रुख ढलेर तार चुँडिएको कारण भरतपुर नारायणगढको सबै क्षेत्रमा विद्युत सेवा अवरुद्ध रहेको छ ।

बिभिन्न चार समूह बनाएर मर्मत टोली सेवा सुचारु गर्नका लागि खटिएको नेपाल विद्युत् प्राधिकरण भरतपुर वितरण केन्द्रका इन्जिनियर राजेन्द्र पाैडेलले जानकारी दिए । तर अहिलेसम्म कुनै पनि क्षेत्रमा विद्युत सेवा सञ्चालन गर्न नसकिएको उनले बताए ।

प्रशासन कार्यालय, प्रहरी कार्यालय, अस्पताल, खानेपानी, दुरसञ्चार, स्थानीय तह निर्वाचनको मतगणना स्थल जस्ता संवेदनशिल क्षेत्रमा समेत विद्युत सेवा प्रसार गर्न नसकिएको उनले बताए । ति क्षेत्रमा केही समय भित्र विद्युत सेवा प्रसार गर्न प्रयास भइरहेको उनले बताए ।

अन्य क्षेत्रमा विद्युत प्रसारका लागि भने अझै समय लाग्ने उनले जानकारी दिए । भरतपुरमा २४ घण्टादेखि विद्युत सेवा अवरुद्ध भएको छ ।