झापा : झापाको हल्दिबारी गाउँपालिकामा रहेको चिल्ड्रेन्स गार्डेन एकेडेमी मा कक्षा-७ मा अध्ययनरत बालिका माथि एक शिक्षकले यौन दुर्व्यवहार गरेको घटना बाहिर आएको छ । बिर्तामोड नगरपालिका १० निवासी अंग्रेजी र सामाजिक पढाउने श्री प्रसाद शिवाकोटी नाम रहेका शिक्षकबाट बालिका माथि यौनजन दुर्व्यवहार भएको एमाले निकट विद्यार्थी सङ्गठन अनेरास्ववियु ले विज्ञप्ती मार्फत जनाएको छ ।
शनिबार अनेरास्ववियु हल्दिबारीले एक प्रेस विज्ञप्ती जारी गर्दै बालिका माथि हिंसा,यातना र अन्याय गर्ने शिक्षकलाई तत्काल बर्खास्त गरी कानुन बमोजिम कारबाही गर्न सम्बन्धित निकायलाई ध्यानाकर्षण गराएको हो । स्थानीयका अनुसार विद्यालयमा परीक्षा सकेर घर जाँदै गरेकी छात्रालाई शिक्षक शिवाकोटीले बोलाएर यौनजन्य दुर्व्यवहार गरेका थिए । यौन दुर्व्यवहारमा परेको भन्दै पीडित छात्राले विद्यालयका अन्य शिक्षकसहित अभिभावकलाई तत्काल जानकारी गराएकी थिइन्।
आक्रोशित बनेका अभिभावक र छिमेकीहरू घटना बुझ्न विद्यालय पुगेका थिए । स्थानीय र अभिभावक ले विद्यालय समेत घेराउ गरेका थिए । आक्रोशित भिडले विद्यालयको मे १ क ७८७ नम्बरको स्कुल बस तोडफोड गरेका समेत भनिएको छ । घटना घटेलगत्तै प्रहरी चौकी गोलधाप र जिल्ला प्रहरी कार्यालय झापाका प्रहरी टोली घटनास्थल पुगेका थिए। घटना बुझेपछि प्रहरीको सहयोगमा शिक्षक शिवाकोटीलाई शुक्रबार बेलुका पक्राउ गरिसकेको छ ।
“यस निन्दनीय कार्यको अनेरास्ववियु हल्दिबारी गाउँकमिटी घोर भर्त्सना गर्दछ” विज्ञप्तिमा भनिएको छ।
२१ औ शताब्दीको चेतनशील युगमा पनि अमानवीय, अन्याय र अत्याचारसँगै दमनकारी गतिविधि गर्ने र बालिकालाई यातना दिने कार्यको जति निन्दा गरेपनि क्षमा र माफ हुदैंन । अनेरास्ववियु उक्त घटना घटाउन जिम्मेवार रहेका शिक्षकलाई तत्काल बर्खास्त गरी कानुन बमोजिम कारबाही गर्न सम्बन्धित निकायको ध्यानाकर्षण गराउन र दोषीमाथि कडा कारबाहीको माग राख्दै पीडित बालिकाको पक्षमा अनेरास्ववियु उभिएको जानकारी गरेको छ । यस घटनाको सत्य तथ्य छानबिन यथाशीघ्र गरी संलग्न शिक्षक माथि कडाइका साथ कारबाहीको माग गर्ने र बालिकाको उचित न्यायको लागि सरोकारवाला पक्ष सवैसँग अनेरास्ववियु ले जोडदार माग गरेको छ ।
” विज्ञप्तीमा भनिएको छ । अनेरास्ववियु हल्दिबारीले विज्ञप्तिमार्फत शिक्षकलाई कानुन बमोजिम कारबाही नभए कडा आन्दोलनमा उत्रने समेत चेतावनी दिएको छ ।
