उदयपुर : उदयपुरमा करिब ४ सय केजी अवैध लागूऔषध गाँजा र नगद ६३ हजार २५ रुपैयाँ सहित ३ जना पक्राउ परेका छन् । बेलका नगरपलिका-८ सिरुवानीस्थित सडकबाट प्रहरीले उनीहरुलाइ पक्राउ गरेको हो । पक्राउ पर्नेमा बेलका नगरपालिका-८ बस्ने २७ वर्षीय गोकुल राई लगायत ३ जना रहेका छन् ।

उक्त स्थानमा अवैध रुपमा लागूऔषध गाँजाको कारोबार तथा ओसारपसार भइरहेको भन्ने सूचनाको आधारमा ईलाका प्रहरी कार्यालय रामपुर ठोक्सिलाबाट खटिएको प्रहरीले को.१ ज २७६१ नम्बरको महेन्द्र पिकअप गाडी जाँच गर्ने क्रममा गाडीमा लुकाई ल्याउँदै गरेको उक्त परिमाणको लागूऔषध फेला पारी गाडीका चालक राई समेत ३ जनालाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।