मोरंग : एक महिलालाइ जवरजस्ती करणी गरेको अभियोगमा ३ जना पक्राउ गरि सार्वजनिक गरिएको छ । अपहरण गरि सुन्दरहरैचा नगरपालिका ५ बलियामा रहेको श्रेष्ठ होटल एण्ड फेमेली होटलमा करणी गरेको अभियोगमा होटल संचालक सहित इलाका प्रहरी कार्यलय मोरङ्गले उनीहरुलाई पक्राउ गरेको हो ।
पक्राउ पर्नेमा मोरङ सुन्दरहरैचा नगरपालिका ५ बलिया चौकका होटल संचालक ३५ बर्षीय अर्जुन कुमार श्रेष्ठ, सोही स्थानका २५ बर्षीय सुरज श्रेष्ठ र झापा मेचीनगर नगरपालिका ३ का २५ बर्षीय राम वहादुर नेपाली भन्ने सुधान्सु दर्जी रहेका छन् ।उनिहरुले गत ७ गते बेलुका साढे ५ बजे महिला इटहरीबाट घर फर्कने क्रममा गछिया खोलाको पुल नजिकबाट घर पुर्याई दिन्छु भनि गाडीमा चढाएर उक्त होटलमा पुर्याई जबरजस्ती करणी गरेको खुल्न आएको छ ।
गत माघ ८ गते सो घटनाको जानकारी पाएको ईलाका प्रहरी कार्यालय बेलबारीबाट खटिएको प्रहरी टोलीले तत्काल होटल संचालक अर्जुन कुमार श्रेष्ठ र सुरज श्रेष्ठ नियन्त्रणमा लिएको थियो । तत्काल सो घटना घटाई फरार रहेका राम वहादुर नेपाली भन्ने सुधान्सु दर्जीलाई भने गत ११ गते ईलाम सुर्योदय नगरपालिका १२ तिनघरेमा लुकीछिपी बसेको अवस्थामा १ नं प्रदेश प्रहरी कार्यालय र ईलाका प्रहरी कार्यालय बेलबारीबाट खटिएको प्रहरी टोलीले पक्राउ गरेको छ । पक्राउ परेका तिनै जना उपर जबरजस्ती करणी मुद्दामा कानुनि कारबाही अगाडी बढाईएको ईलाका प्रहरी कार्यालय बेलबारीले जनाएको छ ।
जबर्जस्ति करणीको महिलाले प्रतिकार गर्दा अपराधीले योनाङ्गमा हात छिराइ योनाङ्ग क्षतबिक्षत बनाईदिएका छन् । पिडितको अहिले उपचार भइरहेको प्रहरीले जनाएको छ।
मेची महकाली बुहारी संयुक्त आवाज मोरंगले घाइते पिडित महिलालाई भेटि स्वास्थ्य अवस्थाको जानकारी लिनुका साथै आर्थिक सहयोग गरेको थियो। सोही विषयलाइ टोलीले इलाका प्रहरी कार्यलयमा कार्यलय प्रमुखलाई ज्ञापन पत्र बुझाएको थियो । ज्ञापन पत्रमा उल्लेखित यस घटनाका सम्पूर्ण अपराधीलाई यथाशिघ्र पक्राउ गरि कानुनी कारवाहीका लागि अदालत सामू पेश गर्न माग राखेको थियो।
