चितवन : शान्ति सुरक्षाको प्रत्याभुति गराउने प्रमुख जिल्ला अधिकारीको कार्यालयबाट मोटरसाइकल चोरी भएको छ ।

मंगलबार दिउँसोर जिल्ला प्रशासन कार्यालय चितवन परिसरभित्रैबाट मोटरसाइकल चोरी भएको हो ।

मोटरसाइकल खैरहनी नगरपालिका वडा नम्बर ८ निवासी लोशन तमाङको बागमती प्रदेश ०३—०३ प ४२९ नम्बरको पल्सर २२० रहेको छ ।

जिल्ला प्रशासन कार्यालयमा ई–पासपोर्ट बनाउनका लागि जाँदा आफ्नो मोटरसाइकल चोरी भएको तमाङले बताए ।

प्रशासन कार्यालयको गेटमा सशस्त्र प्रहरीको ड्यूटी नै रहने गरेको छ भने कार्यालयको नजिकै नेपाल प्रहरीको अस्थायी प्रहरी पोष्ट समेत रहेको छ ।