पछिल्लो समय टिकटकमा एक बृद्धअबश्थाका बाबू र करिव ५०/५५ वर्षको जस्तो देखिने छोराको भिडियो निकै भाईरल भएको छ । ती दुई बाबुछोरा घरायसी कुराहरुमा कुराकानी गरेको भिडियोमा देख्न सकिन्छ । ९६ वर्ष पुगेका बुबा अझै पनि आफ्ना छोराहरुलाई केटाकेटीकै उमेरको जस्तो केही नजान्ने, केही नगर्ने जस्तो ब्याबहार गरेको भिडियोमा देखिन्छ । ती बाउछोराको यहि कुरा नै धेरैले मन पराउने गरेका छन । उनिहरुको प्राय सबै भिडियो निकै भाइरल हुने गरेको छ ।
हुन त बाबुआमाको नजरमा छोराछोरी सधै सानै देखिन्छ भन्ने भनाई छ । यी बाउछोरामा पनि त्यस्तै देखिन्छ । सामान्यतया घरमा हुने बाउ छोरा, दाजु भाइ इत्यादिको विषयमा हुने अशंवण्डा, बाबुआमा कस्ले पाल्ने जस्ता कुराहरुले बिबाद हुने गरेको देखिन्छ । त्यही कुरा नै उनिहरुको भिडियोले देखाउन खोजेको छ । सत्य घटनालाई रमाइलो तवरले भिडियोमा देखाएकै कारण उनिहरुको भिडियो थुप्रै दर्शकहरुले रुचाउने गरेका छन । ९६ वर्ष पुगेका ती बुबा अझै पनि छोराहरुलाई हप्काईदप्काई गर्छन ।
हुन त बाबुआमालाई आफ्ना सबै सन्तानको उतिकै माया हुन्छ भनिन्छ । तर पनि विभिन्न कारणले कुनै कुनै छोराछोरी बाउआमाको प्यारो भएको पनि हुन्छ । र उसैलाई बाबुआमाले केही बढी माया देखाएको जस्तो पनि गर्छन । यस्तै कुराहरु ती बाउछोराको भिडियोमा पनि देख्न सकिन्छ । टिकटकमा निकै भाइरल बनेका ती बाउ छोराको घरमा मिडिया पुग्दा भिडियोमै देखिए जस्तै नै ती बाउछोराको कुराकानी भएको देखिन्थ्यो । टिकटक भिडियोमा देखिने जेठा छोरासगँ ती बुबा त्यसरी नै बोलेको देख्न्थ्यो ।
जेठा छोरासगैँ बस्दै आएका ती बुबा जेठा छोरासगँ भने रिसाएर बोले जस्तो देख्न्थ्यो । तर कान्छा छोरालाई भने ती बुबाले माया गर्थे । जेठो छोराले आफ्नो सधै बिरोध गर्ने गरेको ती बुबाले बताए । आफ्नै छोरो भएता पनि बाउको बिरोध गरेकोले आफुलाई मन नपरेको ती बुबाले बताए । ९६ वर्ष ती बुबा अझै पनि हिडडुल राम्रोसगँ गर्म सक्छन । साथै उनको बोली पनि अझै तगडा नै देखिन्थ्यो । आफ्नो बिरोध गर्ने छोरालाई आफू अंश पनि नदिने ती बुबाले बताए ।
टिकटकमा देखिन ती बुबाका छोराले भने आफू काम नभएको बेला यसरी नै बुबासगँ जिस्किएर बस्ने गरेको बताउँछन । तर बुबालाई भने आफुहरु जिस्किएको भन्ने थाहा नभएकोले साच्चै जस्तै ब्याबहार गर्ने गरेको उनले बताए । आफुले टिकटक हेर्दै जादाँ बुबासगँ यसरी जिस्किएर गरेको कुराकानीको भिडियो बनाउने सोचेर बनाएको उनले बताए । पहिलो भिडियो धेरैले मन पराईदिए पछि आफू प्राय यसरी नै बुबासगँ जिस्किएर भिडियो बनाउने गरेको उनले बताए । आफू जिस्किएको भएता पनि बुबाले साच्चै सोचेर बोलेकै कारण भिडियो रमाईलो भएको भन्ने लागेको उनको भनाई छ । (भिडियो हेर्नुस)
