एडिलेड,अष्ट्रेलिया — आगामी गैरआवासीय नेपाली संघ (NRNA) अष्ट्रेलिया २०२५–२०२७ कार्यकालका लागि हुने चुनावलाई लक्षित गर्दै टिम उदाहरण (Team Udaharan) नामक प्रतिनिधिमूलक टिमलेले उम्मेदवारी घोषणा गरेको छ। “One Team, One Dream” भन्ने भावनात्मक नारासहित सार्वजनिक गरिएको यो टिमले नेपाली समुदायभित्रको एकता, समावेशिता र सक्रिय सहभागिताको प्रतिबिम्ब प्रस्तुत गरेको छ।
समर्पण, अनुभव, दक्षता र उत्साहले भरिएको टिम उदाहरणले एनआरएनएलाई अझ सक्षम, उत्तरदायी र सबैको प्रतिनिधित्व गर्ने संस्था बनाउने अठोटसहित मैदानमा उत्रिएको छ। आफ्नो घोषणामार्फत टिमले “हामी एउटै सोच, एउटै सपना र एउटै प्रतिबद्धतासहित अगाडि बढ्दैछौं” भन्ने उद्घोष गर्दै सबै नेपालीको हितमा क्रियाशील रहने वाचा गरेको छ।
राज्य संयोजक (State Coordinator) पदका लागि विनोद वनियाँको नेतृत्वमा प्रस्तुत टिममा विशाल बाबु कोइराला (उप–संयोजक), ज्ञानेन्द्र तामाङ (सचिव), खुम घले (संयुक्त सचिव), अनुप चन्द्र सुवेदी (कोषाध्यक्ष), सङ्गीता अधिकारी कोइराला (महिला संयोजक), र विशाल भट्ट (युवा संयोजक) सहित विविध पृष्ठभूमिका उम्मेदवारहरू समावेश छन्।
त्यसैगरी, दिवाकर पौडेल, यमप्रसाद पौडेल, सञ्जोग पराजुली र फुर्मन तामाङ सदस्य पदमा प्रतिस्पर्धी रहेका छन् भने धिरज सापकोटा उप–युवा संयोजक पदमा, सम्योग आचार्य, विशाल पन्त, सौरभ रेग्मी र दिनेश सुवेदी युवा सदस्यतर्फ उभिएका छन्। महिला सदस्यतर्फ स्विकृति तुम्बाहाङ्फे र पूजा भट्टराई तथा एनसीसी सदस्य पदका लागि तीर्थ नहर्की उम्मेदवार छन्।
सामूहिक प्रतिबद्धता, पारदर्शिता, समावेशी सहभागिता र समाजप्रतिको उत्तरदायित्वलाई मूल मूल्यका रूपमा अघि सार्दै, टिम उदाहरणले आफ्नो घोषणामा सबै नेपालीको भावना बोकेर काम गर्ने, हरेक तहका समुदायसँग सहकार्य गर्ने र एनआरएनएलाई सबैको साझा संगठन बनाउने स्पष्ट दृष्टिकोण प्रस्तुत गरेको छ।
टिमले भनिएको छ, “हामी कुनै समूह, वर्ग वा ठाउँमा सीमित छैनौं — हामी सम्पूर्ण समुदायको प्रतिनिधित्व गर्छौं। तपाईंको विश्वास, तपाईंको भोट, तपाईंको आवाज नै हाम्रो अभियानको प्रेरणा हो।”
NRNA अष्ट्रेलिया निर्वाचन २०२५ को मतदान यही जुलाई २६ तारिखका दिन हुने तय भएको छ। उम्मेदवारी घोषणा पछि टिम उदाहरणका सदस्यहरू अहिले विभिन्न स्थानमा सम्पर्क र संवादमा जुटिरहेका छन्। समुदायको विश्वास जित्दै एनआरएनएलाई सकारात्मक ऊर्जा र सहभागिताको नयाँ गन्तव्यमा लैजाने उनीहरूको उद्देश्य स्पष्ट देखिएको छ।
