चितवन, जेठ २४- मेषः जीवनसाथी वा प्रेयसीको भावनाको कदर गर्दै केही धन–रकम मोजमज्जामा खर्च गर्ने परिस्थिति बन्न सक्नेछ । आफ्नो पुरुषार्थ बढ्नाले प्रतिद्वन्द्वीको मनोबल कमजोर बन्नेछ । विज्ञान र गणित विषयका विद्यार्थीहरूलाई विशेष सफलता मिल्नेछ ।
वृषः एकोहोरिएर घोरिंदा स्वास्थ्यस्थिति बिग्रने डर हुन्छ । त्यसैले परिश्रम र आरामको सन्तुलनमा ध्यान दिई कार्यक्षेत्रमा जुट्नुपर्नेछ । बहस वा तर्कवितर्कमा विजयी भइने छ । पढाईको सिलसिलामा विदेश जानेहरुले राम्रो सफलता पाउनेछन् ।
मिथुनः प्रयास गरेको कुनै पनि साधनाले पूर्णता प्राप्त गर्नेछ । अनुभव वा ज्ञानको कमीलाई हटाउन सकिने छ । सन्तानको रहर गर्नेहरूले सन्तान सुख मिल्ने सम्भावना पनि रहेको छ । प्रेम सम्बन्ध सुमधुर हुनेछ र घरपरिवारबाट टाढिएकाहरू नजिकिने छन् ।
कर्कटः सामूहिक काम क्रियाकलापमा संलग्न हुँदा फुर्सद पाइने छैन । अनावश्यक झमेलामा पर्न सकिनेछ । घरपरिवारका सदस्य, नातागोता वा आफन्तको भावनालाई समेट्न सकेमा मात्र थप सन्तुष्टि मिल्नेछ । धातु र स्वास्थ्यमा गरेको लगानीबाट भने राम्रै फल पाइनेछ ।
सिंहः सहकार्यको भावना विकसित हुनेछ । पुराना साथीभाइसित भेटघाट हुने तथा पढाइ–लेखाइ र उन्नत भविष्यका बारेमा छलफल हुने समय छ । निजी क्षेत्रका कर्मचारीको जागिरमा बढोत्तरी तथा पदोन्नति हुने योग छ । नयाँ व्यक्तिसँग नयाँ सम्बन्धको सुरुवात हुन सक्नेछ ।
कन्याः मुख चलाएर काम गर्ने पेशाका मानिसहरू जस्तै वकिल, शिक्षक, प्राध्यापक वा प्रवचनकर्ता पण्डित आदिले प्रशस्त लाभ पाउनु हुनेछ । कृषि, पशु, इलेक्ट्रोनिक र कपडाको व्यवसायबाट राम्रै आम्दानी गर्न सकिनेछ । स्वादिष्ट भोजनको आनन्द समेत प्राप्त हुन सक्नेछ ।
तुलाः अचानक परिस्थिति फेरिएर इच्छाएको जिम्मेबारी प्राप्त हुनेछ । प्रतिष्ठा एवं मान–सम्मान आदि पाईनेछ । दिगो काममा जग बसाउने अवसर प्राप्त हुनेछ । वैकल्पिक आम्दानीका निम्ति कुनै नयाँ कारोबारप्रति आकर्षण देखाएमा समेत लाभ पाउन सकिनेछ ।
बृश्चिकः लगानी गर्दा जोखिम र सङ्कटका बारेमा चिन्तन गर्नुहोला । अरूका लागि बुद्धि र श्रम खर्चनुपर्ला । लक्ष्य प्राप्त गर्न समय लाग्नेछ । व्यवसाय तर्फ मार्केटिङ, यातायात व्यवसायी र ढुवानीको क्षेत्रमा लाभ लिन सक्नुहुनेछ ।
धनुः फुटकर सामाग्रीका विक्रेता र खाद्यसामाग्रीको कारोबार अझ राम्रो फस्टाउने समय छ । आज प्रायः सबै काममा तपाईंकै संयोजकत्व र भूमिका रहने देखिन्छ । दाजुभाइमा आत्मीयता बढ्नेछ भने प्रेम र मित्रताको बन्धनसमेत कसिनेछ ।
मकरः कुनै दूरगामी योजनाको कार्यान्वयन गर्ने विषयमा छलफल हुनसक्नेछ । व्यक्तित्व विकासका दृष्टिले राम्रो दिन छ । तपाईंको मनोभाव र विचारको कदर हुने समय छ । आवश्यक पर्दा सरसापट वा कर्जामार्फत धन जुट्नेछ ।
कुम्भः बहुप्रतिक्षित इच्छा र आकाङ्क्षाले पूर्णता पाउनेछन् । मित्र र सहयोगीहरूबाट लाभ मिल्नेछ । लामो दूरीको यात्रा लाभदायक रहनेछ । अतिथिको रूपमा सत्कार प्राप्त हुने समय छ । आलोचकहरूबाट सजग रहनुहोला ।
मीनः गोपनीयता बाहिरिनाले समस्यामा पर्न सकिनेछ । तरपनि आफ्नो समझदारीले हरेक समस्याको समाधान गर्न सकिनेछ । शेयर बजारको लगानि भने त्यति राम्रो नहोला । चिकित्सा र डिजाइनका विद्यार्थीहरूलाई बढी सफलता मिल्ने देखिन्छ ।
