चितवन, फागुन २- चितवनको रत्ननगर नगरपालिका–११ पृथ्वी टोलस्थित न्यू क्यापिटल कलेजको बसले मोटरसाइकललाई ठक्कर दिँदा मोटरसाइकल चालक घाइते भएका छन् ।
बिहीवार दिउँसो साढे ११ बजे ना १ क ४१५४ नम्बरको बसले बटर खोलाबाट जिरौनातर्फ जाँदै गरेको लु ९५ प ५७४६ नम्बरको मोटरसाइकललाई ठक्कर दिदा मोटरसाइकल चालक रत्ननगर–१३ बस्ने वर्ष ५० को रुपलाल श्रेष्ठ मध्यम घाइते भएको जिल्ला प्रहरी कार्यालय चितवनले जानकारी दिएको छ ।
श्रेष्ठको दाहिने खुट्टा र दाहिने हातमा चोट लागेको छ भने मोटरसाइकलमा क्षति पुगेको छ । प्रहरीले बस र बस चालक कालिका नगरपालिका–५ बस्ने वर्ष ३६ को राम सागर चौधरीलाई नियन्त्रणमा लिएको छ ।
