धनगढीका ब्यवसायी बिजेन्द्र रावतसंग विवाह बन्धनमा बाँधिएकी नायिका श्वेता खड्कालाई बैवाहिक जीवनको बधाई तथा सफल दाम्पत्यको शुभकामनाको दिने क्रम रोक्किएको छैन ।

विवाहको एक दिन अगाडि मात्रै आफ्नो फेसबुक पेज मार्फत एक लामो स्ट्याटस लेखी आफुले जीवनको अर्को अध्याय सुरु गर्न लागेको जानकारी दिएकी श्वेता खड्कालाई सबै पक्षबाट सकारात्मक प्रतिकृया सहित हजारौ शुभकामनाहरुको ओईरो लागेको थियो ।

श्वेताको उक्त स्ट्याटसमा नगन्य रुपमा केही अश्लील शब्दहरु सहितका नकारात्मक टिप्पणीहरु देखिएता पनि श्वेताका सुवेक्षुकहरुले नकारात्मक प्रकृयादिनेहरु प्रती आक्रामक हुँदै पुन:प्रतिकृया दिएका थिए ।

फेसबुक, ट्विटर , युट्युब र टिकटक लगायतका सामाजिक संजाल मार्फत बिभिन्न कलाकार, राजनीनिज्ञ, संचारकर्मी लगायत श्वेताका शुभचिन्तकहरुले आजका दिनसम्म बधाई दिने क्रम रोक्किएको छैन । बिभिन्न सामाजिक अभियन्ताहरु लगायत महिला अधिकारकर्मिहरुले त श्वेताको यो कदमलाई ‘रुढिवादी परम्परा बिरुद्दको परिवर्तनकारी कदम’ भन्दै प्रतिकृयाहरु दिईरहेका छन् ।

यस्तै प्रख्यात लोक गायक बद्री पंगिनीले पनि श्वेतालाई साँगितिक शब्द मार्फत बधाई दिएका छन । उनको आफ्नै गिती एल्बम ” जनताको शासन” मा उनले गाएको “लाऊ चेली सिन्दुर लाउ- निको पार हृदयको घाऊ” बोलको गीतलाई परिमार्जन गरी ” लाऊ श्वेता सिन्दुर लाउ” भन्दै शुभकामना दिएका छन् ।

एउटा युट्युब च्यानललाई अन्तर्वार्ता दिने क्रममा उनले उक्त गीत मार्फत नायिका श्वेता खड्कालाई शुभकामना दिएका हुन् । उनले दिएको शुभकामनाको यो शब्दलाई प्रयोग गरी अहिले टिकटकमा भिडियो बनाउने होठवाजीनै चलिरहेको छ । नायिका खड्काले पनि “लाऊ श्वेता-सिन्दुर लाऊ ” बोलको गीत समाबिष्ट एउटा टिकटक क्लिपलाई आफ्नो फेसबुकको वालमा पोस्ट गर्दै गायक पंगीनिलाई धन्यवाद दिएकी छन् ।

हाल आफ्नो पती बिजेन्द्र रावतको पुर्ख्यौली घर धनगढी पुगेकी श्वेताको बिहे सम्बन्धी द्रुश्यहरु समेटिएका भिडियो तथा समाचारहरु ट्रेण्डिङ्गमा परिरहेको यो अवस्थामा गायक पंगेनीको ” लाऊ श्वेता- सिन्दुर लाऊ” को भिडियोले पनि सामाजिक संजालका भित्ताहरुमा केहीदिन एकलौटी राज गर्ने देखिएको छ ।

श्वेताको बिहेका रमाइलो द्रुश्यहरु हेर्न तलको लिङ्क क्लिक गर्नुहोला