भारतको केरलास्थित मलाप्पुरममा आमा र छोरा दुवै सँगै सरकारी जागिरमा सामेल हुन लागेका छन् । दुवै जनाले लोकसेवा आयोगको परीक्षा एकैसाथ उत्तीर्ण गरेका हुन् । आमाले एलजीएस परीक्षा उत्तीर्ण गरिन् भने अर्कोतर्फ छोराले एलडीसी उत्तीर्ण गरे ।

छोरा विवेकले १० कक्षामा पढदै गर्दा उसलाई पढाईमा प्रोत्साहन गर्न आफूले पनि पढ्न थालेको ४२ वर्षीया बिन्दु बताउँछिन् । त्यही क्रममा उनलाई केरला लोकसेवा आयोग परीक्षाको तयारी गर्ने प्रेरणा मिलेको थियो । यतिबेला आमा छोरा दुबै सरकारी जागिरमा जुटेका छन् । वास्तवमा विन्दु पेशाले विगत १० वर्षदेखि शिक्षिक पेशामा आबद्ध छिन् ।

छोरालाई पढाउँदै गर्दा आमालाई पनि जोश जाग्यो ४२ वर्षीया बिन्दुले एक टिभी च्यानलमा अन्तर्वार्ता दिँदै आफूले एलजीएस परीक्षामा उत्तीर्ण भएको बताएकी छन् । जसमा आफूले ९२औँ स्थान पाएको जानकारी गराईन् ।

उनका २४ वर्षीय छोराले एलडीसी परीक्षामा ३८औँ स्थानमा उत्तीर्ण भएका छन् । छोरालाई पढाइमा प्रोत्साहन गर्नका लागि यो सुरु गरेको उनले बताईन् ।
उनी भन्छिन्,– ‘छोरालाई पढाइमा प्रोत्साहन गर्दागर्दै मलाई पनि यसले प्रेरणा दियो, त्यसपछि म कोचिङ सेन्टरमा भर्ना भए । यससँगै छोरा विवेकलाई पनि स्नातक गरेपछि त्यहाँ भर्ना गराए ।’

‘हार मानिन्, धेरै पटक प्रयास गरें’

विन्दु भन्छिन्,– ‘एलजीएसका लागि दुई पटक र एलडीसीका लागि एक पटक प्रयास गरे, अन्ततः चौथो प्रयास सफल भएँ ।’
उनले आफ्नो वास्तविक लक्ष्य आईसीडीएस सुपरभाइजर परीक्षा रहेको भएपनि एलजीएस परीक्षा उत्तीर्ण गर्नु ‘बोनस’ भएको बताईन् ।

उनी विगत १० वर्षदेखि आंगनवाडी शिक्षिका हुन् । पीसीएस परीक्षा पास गर्न कोचिङ सेन्टरका शिक्षक, साथीभाइ र छोराले हौसला र सहयोग गरेको विन्दु भनाई छ ।

बिन्दुका छोरा विवेकले टिभी च्यानलसँगको अन्तर्वार्तामा भनेका छन्, ‘हामी दुवैले सँगै पढेका थिएनौं, तर केही विषयमा भने छलफल गथ्र्यौं ।’ विवेकले आफू पढ्न रुचाउँने बताउँछन् । उनी भन्छन्,– ‘आमाले धेरै पढ्नुभएन्, उहाँले समय मिल्दा र स्कुलबाट फर्किएपछि मात्र पढ्नुहुन्थ्यो ।’