काठमाडौं : रुसी राष्ट्रपति भ्लादिमिर पुटिनको स्वास्थ्यबारे आएको नयाँ रिपोर्टले सबैलाई चकित पारेको छ ।
पुटिनले मृगको सिङबाट निस्केको रगतमा नुहाएको र थाइरोइड क्यान्सर विशेषज्ञ डाक्टरहरूसँग निरन्तर सम्पर्कमा रहेको बताइएको हो ।
पुटिनलाई यो अनौठो व्यवहारको बारेमा रुसका वर्तमान रक्षामन्त्री सर्गेई शोइगुले बताएका छन् ।
पुटिनले सन् २००० को मध्यमा मृगको सिङबाट निकालिएको सुगन्धित अर्कले भरिएको बाथटबमा नुहाएको भनिन्छ । डेलीमेलमा प्रकाशित समाचार अनुसार साइबेरियाको अल्ताई रातो मृगको सिङ शरीरको सौन्दर्यमा प्रभावकारी हुने कुनै प्रमाण छैन ।
पुटिनले युक्रेनमा लगातार आक्रमण गरिरहेका छन् । उनी गम्भीर स्वास्थ्य समस्याबाट पीडित छन्, जुन उनले रुसका जनताबाट लुकाएर राखेका छन् ।
रूसमा प्रतिबन्धित र विदेशबाट सञ्चालन गरिएको प्रोक्ट मिडियाको नयाँ रिपोर्टले पुटिनको बारेमा धेरै चकित पार्ने दावीहरू गरेको हो । प्रतिवेदनमा भनिएको छ कि पुटिन जनावरको रगतले उपचार गर्ने एकमात्र होइनन्, यसमा रसियाका धेरै उच्च वर्गका व्यक्तिहरूको नाम पनि समावेश छ ।
साइबेरियन टाइम्सको रिपोर्टका अनुसार नुहाउने र सिङ्गको रगत पिउने रुसको पुरानो परम्परा पनि हो, जुन चीन र कोरियामा पनि देखिन्छ ।
समाचारका अनुसार यो प्रक्रियाले कथित रूपमा महिलाहरूलाई जवान राख्न र पुरुषको यौन शक्ति बढाउन मद्दत गर्छ ।
अल्ताई माउन्टेन्सको सिङको एस्ट्र्याक्टले आफ्नो वेबसाइटमा भन्छ, ‘रातो मृघको सिङको अर्कले बलियो टनिकको रूपमा काम गर्छ, विशेष गरी पुरुषको शक्ति बढाउनको लागि ।’
द सनले रिपोर्ट गरेको छ कि पुटिनको ‘बलियो मानिस’ छवि वर्षौंबीच नाटकीय रूपमा परिवर्तन भएको छ । उनी गम्भीर रोगबाट पीडित हुन सक्ने अनुमान लगाइएको छ ।
समाचारका अनुसार नयाँ अनुसन्धानले पुटिन थाइराइड क्यान्सरका विशेषज्ञ डाक्टरहरूसँग लगातार सम्पर्कमा रहेको जानकारी दिइयो ।
