युक्रेनी स्वतन्त्रता आन्दोलनका सिर्जनशील व्यक्तित्व तरास सेचेन्कोको जन्मदिन दुई दिनअघि मनाइयो । उनी चित्रकार, कवि, राजनीतिक अभियानकर्मी सबै सबै थिए ।

सन् १८१४ मार्च ९ मा जन्मिएका उनी १८६१ मार्च १० मा यो संसार त्यागेका थिए । त्यो बेला युक्रेन रूसी प्रभावमा थियो । त्यो बेला पनि जारकालीन प्रभावबाट उम्कन संघर्षका कयौँ मोर्चा खोलिएको थियो ।

उनी जारविरूद्ध राजनीतिक मोर्चामा जुटे । उनको राजनीतिका कारण सरकारबाट देश निकालामा पर्नुपर्यो । आफ्ना कविता र चित्रमार्फत उनले जारशाही अत्याचार र स्वतन्त्रताको वकालत गरिरहे ।

उनी सेन्टपिटसबर्गमै रहेका बेला १० मार्च १८६१ मा निधन भयो । आफ्नो मृत्युपछि लाशलाई मातृभूमिमा गाडियोस् भन्ने अभिप्रायका साथ टेस्टामेन्ट नामक कविता लेखेका थिए । नभन्दै उनका शुभेच्छुकहरूले सेन्टपिटर्सबर्गबाट उनको देह हालको तरास पहाडमा पुर्याई सम्मानपूर्वक दफनाइयो ।

उनका साहित्य र चित्रको प्रभाव यत्तिका वर्षसम्म पनि अद्यापि छँदैछ ।

आउनुहोस्, आज हामी उनका सुन्दर कलाकृति अवलोकन गरौँः

sahityapost