काठमाडौं : सामान्यतयाः मोडल तथा अभिनेत्रीहरु सामाजिक सञ्जालमा आफ्नो पहिरनका कारण बारम्बार ट्रोलिङको सिकार हुने गरेका छन् ।
हालै चर्चित गायिका स्टेसी सोलोमनले सामाजिक सञ्जालमा आफूसँग भएको घटनाबारे खुलासा गरेकी छिन्, जसमा उनी हतारमा पारदर्शी लेगिङ्स लगाएर सुपरमार्केट गएकी थिइन् ।
उक्त कपडामा उनको भित्री वस्त्र देखिन्थ्यो, उक्त कपडामा उनी लामो समयसम्म सुपरमार्केटमा घुमेकी थिइन् । अहिले अर्की मोडलसँग यस्तै घटना भएको छ । मोडल छोरालाई स्कुल पठाउन गएकी थिइन्, तर उनको पहिरनका कारण ट्रोलिङको सिकार हुनुपर्यो ।
उनको भिडियो सामाजिक सञ्जालमा भाइरल भइरहेको छ । ‘द सन’ को समाचार अनुसार मोडलिङका साथै अधिवत्ता भ्यानेसा मेडिना हालै आफ्नो छोरालाई छोड्न स्कुल गएकी थिइन् ।
त्यस क्रममा उनले गुलाफी रंगको सर्ट प्लेसूट लगाएका थिइन् । कारबाट ओर्लिएर छोरालाई स्कुलभित्र छोड्न जाँदा कसैले लुकेर पछाडिबाट उनको भिडियो बनाइरहेको भेनेसालाई थाहा थिएन ।
भेनेसा मेडिनालाई उक्त भिडियो सामाजिक सञ्जालमा भाइरल भएपछि थाहा भयो । ‘छोराको अगाडि कति खराब लुगा लगाएको’ भनेर उनको आलोचना भइरहेको छ । भिडियोमा भेनेसा स्किन टाइट प्लेसूट लगाएकी देखिएकी थिइन् । भिडियो सोही विद्यालयमा अध्ययनरत एक बालककी आमाले पछाडिबाट खिचेकी हुन् ।
भिडियोमा महिलाको आवाज पनि सुनिएको थियो, जसले आफ्नो गाडी भित्रबाट यो भिडियो कैद गरिन् । भिडियो बनाउने महिलाले भनिन्, ‘यो आमाले छोराको अगाडि कस्तो खराब कपडा लगाएर बसिरहेकी छिन् ।’
भिडियो भाइरल भएपछि ट्रोल भएकी भेनेसाले आफ्नो छोरालाई स्कुल पठाउन यस्तो पहिरन लगाएर आएको यो पहिलो पटक नभएको बताएकी छिन् ।
भेनेसा मेडिनाको यो भिडियो देखेपछि सामाजिक सञ्जालमा भाइरल भयो, मानिसहरूले उनलाई ट्रोल गर्न थाले । धेरै इन्टरनेट प्रयोगकर्ताहरूले भेनेसाको पहिरनलाई लिएर विद्यालयमा बालबालिकाको अगाडि यस्तो लुगा लगाउनु एकदमै गलत भएको भन्दै प्रश्न गरेका छन् ।
भेनेसा मेडिनाले सामाजिक सञ्जालमा जवाफ दिइन् तर, भेनेसा मेडिनाले यो ट्रोलिङमा चुप नबस्ने निर्णय गरिन् । उनले सामाजिक सञ्जालमार्फत यस विषयमा मानिसहरूलाई जवाफ दिइन् । मिस फिटनेस प्रतियोगिताको विजेता भेनेसाले सामाजिक सञ्जालमा लेखेकी छिन्, ‘मेरो भिडियोमा मलाई यति सुन्दर शब्दहरू लेखेर साथ दिनुहुने र प्रेम सन्देश पठाउने सबैलाई धन्यवाद दिन चाहन्छु ।’
चर्को आलोचनापछि भेनेसा मेडिनाले थप लेखिन्, ‘मेरो गोप्य रूपमा बनाइएको भिडियो सामाजिक सञ्जालमा भाइरल भएपछि मेरो बचाउ गर्ने सबैलाई धन्यवाद । त्यो भिडियो एक बच्चाकी आमाले खिचेर मलाई बदनाम गर्न सामाजिक सञ्जालमा शेयर गरेकी हुन् ।
तर, मेरो चार वर्षीय छोराको तस्विर यसरी सामाजिक सञ्जालमा सार्वजनिक गर्नु अपराध हो भन्ने थाहा नभएकाले अहिले ती महिला आफैं फन्दामा परेकी छन् ।’
आफ्नो पोस्टमा भेनेसाले लेखेकी छिन्, ‘ती महिला आफ्नो काममा सफल भएनन्, उनले मलाई बदनाम गर्न चाहान्थिन् तर आफ्नो मनसायमा सफल हुन सकिनन् । म धेरै नराम्रो महिला हुँ भनेर देखाउन चाहन्थिन् ।
तर, मेरो यो पोस्ट ती महिलाको लागि होइन, यो प्रकरणमा मेरो साथमा उभिएका व्यक्तिहरूको लागि हो । म एक फिट आमा हुँ, जसले आफ्नो छोरालाई कडा परिश्रम गरेर हेरचाह गर्छिन् र उसलाई संसारको सबै खुशी दिन चाहन्छु । म कसैको लागि नराम्रो सोच्न चाहन्न ।’
