चितवन, १४ चैत । फेन्सी व्यवसायी संघ चितवनको ३७औँ स्थापना दिवस मनाएको छ । फेन्सी व्यवसायी संघ चितवनका अध्यक्ष रामप्रसाद पौडेलको अध्यक्षतामा भएको कार्यक्रममा उद्योग वाणिज्य संघ चितवनका अध्यक्ष सुमनकुमार श्रेष्ठ प्रमुत अतिथि रहनुभएको थियो ।

कार्यक्रममा श्रेष्ठले ३७औँ स्थापना दिवसको महत्व दर्शाउन पानसमा ३७ वटा दीप प्रज्ज्वलन गरी कार्यक्रमको उद्घाटन गरेका थिए । कार्यक्रममा विशिष्ट अतिथिको रूपमा फेन्सी साकोसका अध्यक्ष पदमबहादुर केसी, उद्योग वाणिज्य संघ चितवनका वरिष्ठ उपाध्यक्ष चिरञ्जीवी सुवेदीसहित उपस्थिति रहेको थियो । फेन्सी व्यवसायी संघले स्थापना दिवसको अवसरमा आफ्ना सदस्यहरूको स्वास्थ परीक्षणसमेत गरेको थियो ।

स्थापना दिवसको अवसर पारेर संस्थाले आयोजा गरेको खेलकुद कार्यक्रमको विजेता टिमलाई पुरस्कार वितरण गरेको छ । संस्थाले आयोजना गरेको क्रिकसल प्रतियोगिताको विजेता मिलनरोड टीम र उपविजेता गंगोत्री मार्ग भयो भने फुटसल प्रतियोगिताको विजेता श्री गणेश बजार व्यवस्थापन समिति कमलनगर एवम् उपविजेता गंगोत्री मार्ग रहेको थियो । सोही अवसरमा आयोजित सियोधागो प्रतियोगिताको विजेतालाई पनि पुरस्कृत गरिएको थियो ।

संघले आफ्नो स्थापना दिवसको अवसर पारी कार्यालय समेत कमलनगरमा सारेको छ । बुधबार सरेको कार्यालयको उद्घाटनसमेत उद्योग वाणिज्य संघ चितवनका अध्यक्ष सुमनकुमार श्रेष्ठले गरेका थिए ।