सोलुखुम्बु : सोलुखुम्बुमा चट्याङ लागेर एक बालकको मृत्यु भएको छ ।
मंगलबार साँझ पानीसँगै परेको चट्याङका कारण थुलुङ दूधकोशी गाउँपालिका–९ का सात वर्षीय बालक सुजन तामाङको घटनास्थलमा नै मृत्यु भएको हो ।
बालकको आमा ताकमाया तामाङ घाइते भएकी छन् । उनको शरीरको एक पाटो नचल्ने भएको प्रहरीले जनाएको छ ।
माइतीघर हिडेकी आमासँगै रहेका बालक पानी परेपछि ओत लागेर घरको पेटीमा बसिरहेको अवस्थामा चट्याङ लागेको जिल्ला प्रहरी कार्यलय सोलुखुम्बुले जनाएको छ ।
गएराती सोलुखुम्बुका विभिन्न स्थानमा परेको चट्याङले विद्युतीय सामग्रीहरूमा क्षति पुगेको छ ।
