भक्तपुर : राष्ट्रिय परीक्षा बोर्डले यस वर्ष कक्षा १२ को साेमबार ( आज ) देखि शुरु गरेको छ । जेठ १६ गते , सोमबार ( आज ) देखि देशभर एकैसाथ शुरु हुने परीक्षाको सम्पूर्ण तयारी पूरा गरेको बोर्डका अध्यक्ष डा. महाश्रम शर्माले जानकारी दिए ।

सोमबार ( आज ) बिहान ८ बजेदेखि शुरु हुने परीक्षा यहीँ जेठ २५ गतेसम्म सञ्चालन हुने छ । परीक्षामा करिब ४ लाख १५ परीक्षार्थी सहभागी हुने जानकारी दिँदै बोर्डका अध्यक्ष डा. शर्माले देशभरका १ हजार २ सय ९२ केन्द्रमा परीक्षा सञ्चालन हुने बताए ।

उनका अनुसार ७७ जिल्लाकै सबै केन्द्रमा परीक्षा शुरु हुनुभन्दा आधा घण्टा अगाडि अनलाइनबाट प्रश्नपत्र पठाइने छ । परीक्षा केन्द्रले प्रश्नपत्र फोटोकपी गरेर परीक्षार्थीलाई वितरण गर्ने छ ।

विगत २ वर्ष कोभिड – १९ महामारीका कारण विद्यार्थीले अध्ययन गरेकै विद्यालय ( होम सेन्टर ) मा परीक्षा सञ्चालन गर्दा अनलाइनबाटै प्रश्नपत्र पठाउने व्यवस्था गरेपछि यस वर्ष पनि प्रश्नपत्र अनलाइनबाट पठाउने व्यवस्था गरिएको हो ।

३ घण्टा सञ्चालन हुने परीक्षालाई शान्तिपूर्ण , मर्यादित , व्यवस्थितरुपमा सम्पन्न गर्न बोर्डका अध्यक्ष डा. शर्माले सबै सरोकारवाला निकाय तथा आमनागरिकमा आह्वान गरेका छन ।

यसैबीच कक्षा ११ को परीक्षा पनि सोमबार ( आज ) देखि नै सञ्चालन हुने भएको छ । कक्षा ११ को परीक्षा विद्यालयले नै सञ्चालन गर्न पाउने व्यवस्था गरिएकोले अधिकांश विद्यालयले आज जदेखि नै परीक्षा सञ्चालन गर्ने भएका हुन् ।