चितवन
शनिबार, बैशाख ३१
भरतपुर महानगरपालिकाको मतगणना स्थलमा जान पत्रकारलाई नियन्त्रण गरीएको छ।
माथिको आदेश भन्दै मतगणना स्थलमा पत्रकारलाई स्वन्तन्त्र रुपमा जान नियन्त्रण गरीएको हो। दुई देखि तीन चार वटा संचारमाध्यमका संचारकर्मीलाई एउटा मात्र पास दिएर एकपटकमा एक जना मात्र जान पाउने व्यवस्था गरीएको छ।
संचारकर्मीलाई गेटमै नियन्त्रण गरेपछि चितवनका पत्रकारले प्रेस स्वन्तन्त्रताको हनन भएको भन्दै आक्रोश पोख्न थालेका छन्।
चितवनमा मतगणना अझै शुरु हुन् सकेको छैन। मतगणना स्थल बाहिर ठुलो संख्यामा सर्वसाधारणहरु उपस्थित भएका छन्।
चितवनको भरतपुर महानगरपालिकामा बिशेष मेयरमा तीन जनाको प्रतिपर्धा देखिएको छ। गठबन्धनको तर्फबाट रेनु दाहाल एमालेक बिजय सुबेदी र स्वतन्त्र उमेद्वार जगन्नाथ पौडेल चुनावी प्रतिस्पर्धामा छन्।
