चितवन : चितवनको भरतपुरमा गुडिरहेको एक ट्रकमा आगलागी भएको छ । भरतपुर महानगरपालिका–२९ नारायणगढ-मुग्लिन सडकखण्डको सत्रकिलोमा  ट्रकमा आगलागी भएको हो ।

आज (बिहीबार) बिहान ५ बजे सर्लाहीबाट इँटा बोकेर काठमाडौं जाँदै गरेको प्रदेश २-०३-००१ ख ६५८७ नम्बरको ट्रकमा आगलागी भएको हो ।

छडक छेउको ग्यापिङ्ग जालिमा ठोकिकदा ट्रकमा विद्युत सर्ट भई आगलागी भएको ईलाका प्रहरी कार्यालय मुग्लिनका प्रहरी प्रमुख सूर्य रानाले जानकारी दिए ।

दमकलको सहयोगमा आगलागि नियन्त्रणमा लिइसकिएको छ । दुर्घटनामा मानवीय क्षति हुनबाट भने जोगिएको छ ।

ट्रक पूर्णरुपमा जलेर नष्ट भएको प्रहरीले जनाएको छ ।