चितवन : चितवनको माडीमा एक धन्सारमा आगलागी हुदा साठी लाख बराबरको क्षेती भएको छ । माडी न.पा. ४ खैरहनी स्थित माधब लामिछानेको धन्सारमा अचानक आगोलागी भएको हो ।
विहान ५ वजेको समयमा भएको सो आगलागी प्रहरी टोली, स्थानिय नागरिक र दमकलको सहायतामा पुर्णरुपमा नियन्त्रण गरिएको प्रहरीले जनाएको छ ।
आगलागीबाट धन्सार र नजिकै रहेको २ वटा कुखुराको फर्ममा रहेको सामान हरु नष्ट भएको तर मानबिय क्षेती नभएको प्रहरीले जानकारी दिएको छ ।
आगलागीमा धन्सारमा रहेको ७० धान, तोरी ५ क्विन्टल, गँहु २ क्विन्टल, ३५ क्विन्टल (७० बोरा) कुखुराको दाना, फ्रिज थान १, टि.भि. थान १, डिजिटल मेसिन थान १, सोलार प्यानल थान-३, ब्याट्री थान-३, ईन्भटर थान-१ लगायत ग्रिज, मोबिल, गियर आयल, हाईड्रोलिक पाइप, ड्रम अन्य भाडा वर्तन,कुखुराको फर्ममा रहेको तयारी कुखुरा १२०० वटा र चल्ला १००० वटा पूर्ण रुपमा जलेर नष्ट भएका छन् ।
