वर्तमान समयमा हाम्रो भान्सामा सिलौटोको प्रयोग हराउँदै गएको छ । आधुनिक विद्युतीय उपकरण मिक्स्चरको प्रयोग वढ्दै गएको छ । । सिलौटोदेखि मिक्स्चरसम्मको प्रभावलाइ हेर्ने हो भने हामी सिलौटालाइ कैयौ उपयोगी अनि महत्वपूर्ण पाउछौ जसले स्वास्थ्यमा पनि विशेष भुमिका खेलेको हुन्छ । तर यता मिक्स्चर प्रयोग चाहि समयको वचत कम परिश्रमका लागी मात्र गरिन्छ ।
तसर्थ के के छन् त सिलौटोमा मसला पिस्नुको फाइदाहरु केही प्रस्तुत गरिएका छन्
सिलौटोमा पिसेको मसलाको विशेषता भनेको यसले ताप उत्पन्न गर्दैन। धेरैजसो मसला गर्मी हुन्छन् भन्ने गुनासो आउने गरेको छ । कुनै मसला स्वभावैले गर्मी हुन्छन् भने केही मिक्सरमा पिसिएकाले गर्मी हुने गर्छन् । यस्तो अवस्थामा यदि सिलौटोमा पिसियो भने यसले शरीरमा गर्मी उत्पन्न गर्दैनँ ।
भोक जगाउछ
जसलाई भोक नलाग्ने समस्या छ, उनीहरुका लागि सिलौटोमा पिसेको मसला र अचार राम्रो हुन्छ । सिलौटामा पिसिएको मसलाको बास्ना पनि मिठो आउँछ । यो सुगन्ध नाकको माध्यमबाट दिमाग सम्म पुग्छ र खाने इच्छा र भोक जगाउँछ । तर मिक्सरमा पिसिएको मसला यस्तो हुदैन।
स्वाद बढाउँछ
सिलौटोमा पिसिएको मसला विशेष हुन्छ र यसको स्वाद पनि फेरिँदैन । जब यो मसला तरकारीमा हालिन्छ यसले स्वादसमेत बढाउँछ । मिक्सरको ब्लेडका कारण मसलाको स्वाद बदलिन्छ । ग्राइन्डरमा पिसिएको लसुनको स्वादमा धेरैजसो कडापन पाइन्छ ।
हातको कसरत
सिलौटोमा मसला पिस्दा हातको राम्रो व्यायाम हुने गर्छ । यसैगरी मसला वा अचार पिस्दा जुन आसनमा बसिन्छ, यसबाट राम्रै व्यायाम हुन्छ । यसबाट पेटमा दबाब बन्छ र पेट भित्रतर्फ पस्छ । सिलौटोमा नियमित रुपमा मसला पिस्ने हो भने पेट र जाँघको आसपासको बोसो कम हुन जान्छ । अब निर्णय गर्ने पालो तपाईको, मसला मिक्सचरमा पिस्ने कि सिलौटोमा ।
