आज १४ फेब्रुअरी यसै दिन विश्व इतिहासमा भएका विभिन्न घटनाक्रम मध्ये केही घटनाक्रम यस्ता छन् ।

भ्यालेन्टाइन डे

आज फेब्रुअरी १४, भ्यालेन्टाइन डे अर्थात् प्रणय दिवस । विश्वमा अनौपचारिक रूपमा सबैभन्दा धेरै मानिसहरूले बिदा मनाउने दिवस हो, यो दिवसमा प्रेम जोडिले ग्रीटिङ कार्ड र उपहारहरु आदानप्रदान गरिन्छ । सन् १९१९ मा आजको दिन सैद्धान्तिक भौतिकवादी अल्वर्ट आइन्सटाइनले आफ्नो पहिलो श्रीमति मिलेभा मारिकसँग विवाहको १६ वर्ष पछि सम्बन्ध विच्छेद गर्नुभएको थियो । सन् १९०३ मा विवाह बन्धनमा बाँधिएको यो जोडीको दुई छोरा थिए।

युट्युब सुरुआत

१४ फेब्रुअरी सन् २००५ ! भिडियो साझेदारी गर्ने वेवसाइड युट्युब सञ्चालनमा आएको थियो । युट्युबको अहिले २ अरब भन्दा धेरै प्रयोगकर्ता छन् ।

लेबनानका प्रधानमन्त्रीको हत्या

सन् २००५ मा लेबनानका पूर्व प्रधानमन्त्री रफिक हरिरीको हत्या भएको थियो । उनको हत्यामा लेबनानका लडाकु हेजबुल्लाहको संलग्न रहेका लेबनानका लागि राष्ट्रसंघको विशेष न्यायाधिकरणले पत्ता लगाएको थियो ।

भोपाल ग्यास लिकका पीडितलाई क्षतिपूर्ति

सन् १९८४ को २ र ३ डिसेम्बरमा भारतको मध्य प्रदेशस्थित भोपालको एउटा विषादी भट्टी युनियन कारबाइड इन्डिया लिमिटेड (यूसीआइएल) मा ग्यास लिक भएको थियो जसलाई भूपाल विपद् भनिन्छ । ग्यास चुहावट हुँदा पाँच लाख मानिस प्रभावित हुनुका साथै २५ हजार जनाको मृत्यु भएको थियो । आजकै दिन अर्थात् १४ फेब्रुअरी मा ९ दशमलव ५ अर्ब डलर क्षतिपूर्ति दिन तयार भएको थियो ।

सलमान रुस्दीविरुद्ध फताह

सन १९८९ मा इरानका नेता आयतोल्लाह रुहोल्लाह खोमनीले प्रख्यात लेखक सलमान रुस्दीविरुद्ध फतवा जारी गरेका थिए । उनको हत्या गर्नेलाई पुरस्कारसमेत घोषणा गरेका थिए । रुस्दीको चर्चित कृर्ति सटानिक भर्सेज (१९८८) लाई लिएर उनीविरुद्ध सो घोषणा गरिएको थियो । सो पुस्तकले इस निन्दा गरेको मुस्लिम मुलुक इरानको भनाई छ ।

अमेरिकाको ११ औँ राष्ट्रपतिको तस्बिर

सन् १८४९ मा अमेरिकाको राष्ट्रपति कार्यालयमा अमेरिकाको ११औँ राष्ट्रपतिको तस्बिर खिचिएको थियो । राष्ट्रपति कार्यालयमा तस्बिर खिचाउने पहिलो राष्ट्रपतिमा जेम्स पोल्क हुनुहुन्थ्यो ।

स्याटलाइट पृथ्वीको कक्षमा

सन् १९८९ मा ग्लोबल पोजिशनिङ सिस्टम भएको २४ वटा स्याटलाइटलाई पृथ्वीको कक्षमा राखिएको थियो ।