नेपालको आधा भन्दा धेरै जनसंख्या कृषिमा आधारित भएता पनि त्यसको ब्यावासायिक उत्पादन नहुदा खाद्यान्न बाहिरबाट ल्याउने पर्ने बाध्यता छ । नेपालको धेरै भुभाग कृषि योग्य रहेको छ । साथै थुप्रै नेपालीहरुको मुख्य पेशा कृषि भएता पनि श्रोत साधनको कमिले त्यसको उत्पादन भने न्यून रहेको छ । नेपालको तराई भुभाग कृषिका लागि योग्य मानिन्छ । पुर्वी नेपालको मोरङ, झापा, सुनसरीमा कृषि उत्पादन अन्य जिल्लाको तुलनामा धेरै हुने गरेको छ । यसै क्रममा झापाको अर्जुनधारा नगरपालिका ६ मा महिला चेतना बहुउद्देश्य सहकारी संस्थाले आधुनिकक कृषि मेसिन ल्याए पछि किसान खुशी भएका छन ।
उक्त संस्थाले धान काटेर खेतमा कुन्यु लगाई पछि फेरि झार्नका लागि थ्रेसर लगाउनी पर्ने झन्झट कम गर्न खेतमा धान काटेकै बेला धान झार्ने मिल्ने मेसिन ल्याएको छ । यो मेसिन सरकारको आधा अनुदानमा उक्त सहकारी किनेको हो । ४१ लाखमा मूल्य पर्ने उक्त मेसिनले १ घन्टामा १ बिगाको धान झार्ने र काट्ने दुबै गर्न सक्ने स्थानियहरुले बताएका छन । १ घन्टाको जम्मा ६ हजार ज्याला लिने गरेको उक्त मेसिन प्रयोग गरेका एक किसानले बताए । मेसिनले खर्छ र समय दुबै बचाएको उनको भनाई छ ।
समाज सेवि कुमार राईका अनुसार उक्त मेसिन नेपालमा अहिलेसम्म २ ठाउँ मात्र मात्र भित्रीएको बताउँछन । उनी भन्छन कृषि प्रधान देशमा यस्ता मेसिन सरकारले नै उपलब्ध गराउनु पर्ने बताउँछन । मेसिन मात्र होइन कृषिको लागि मल, औषधि पनि सरकार निशुल्क दिनु पर्ने उनको भनाई छ । आधा सरकारले अनुदान दिएको भनिएता पनि यो मेसिनमा सरकारले कर छुट गरिदिएको उनले बताएका छन । सरकारले हरेक कृषिजन्य सामाग्रीमा कर पुरै छुट गरिदिदा पनि किसानलाई केही सहज हुने कुमार बताउँछन ।
उक्त मेसिन आए पछि अहिले त्यहाका थुप्रै किसानले उक्त मेसिनको प्रयोग गरेका छन । पहिले धान काटेर झार्नलाई कम्तिमा १५ दिन देखि १ महिनाको समय लाग्ने गर्थ्यो तर यो मेसिनले १ घण्टामै १ बिघा खेतको धान काट्ने र झार्ने दुबै एकैचोटि गर्ने भएकोले समय, खर्च र परिश्रम सबैको बचत हुनुका साथै काम गर्न पनि सजिलो भएको एक किसानले बताए । उनका अनुसार १ बिघा खेतको धान १ दिनमा काट्न मात्र करिव ८/१० जना जन खोज्नु पर्ने हुन्थ्यो । तर अहिले सम्पुर्ण काम १ दिनमा भएको बताए ।
उक्त मेसिनले धान एक दान पनि भुइँम नझार्ने भएकोले पनि यो निकै उपयोगी रहेको किसानहरु बताउंछन ।सरकारले कृषकका लागि यस्ता नया प्राविधिहरु उपलब्ध गराईदिए उत्पादन पनि बढ्ने किसानहरुको बुझाई छ । अहिले नेपाल सरकारले न्युनतम मुल्य धानको १२ सय प्रती मन तोकिदिए पनि व्यापारीले ८/९ सय भन्दा माथी नदिएको किसानहरु बताउँछन । नेपाल सरकारले यश कुरालाई पनि ध्यान दिनु पर्ने उनिहरुको भनाई छ । किसानले जति नै दुख गरे पनि उचित मूल्य नपाएको तर बिचौलियाहरु भने मालामाल हुने गरेको उनिहरु बताउँछन । (भिडियो हेर्नुस)
