छोरी मान्छेको लागी एउटा आमा बन्नु शौभाग्यको कुरा मान्ने गरिन्छ । जति पिडा भएनी, जस्तोसुकै प्रसब वेदना सहेर भए पनि सन्तान जन्मिए पछि धेरै खुशी लाग्ने रहेछ भन्ने आफुले बुझेको रमेश प्रसाईं कि श्रीमती नन्दा बताउँछिन । नन्दाका अनुसार नौ महिना सम्म जति पिडा कष्ट हुन्छ त्यो सबै जब सन्तानको मुख हेरिन्छ त्यति बेला नै सबै भुलिने रहेछ भन्ने एउटा आमा बने पछि मात्र थाहा हुने रहेछ । भर्खर आमा बनेकी नन्दा भन्छिन जब मैले लक्ष्मीको रुपमा छोरी लाई जन्म दिए त्यो बेला मलाई संसारकै सबै भन्दा ठूलो खुसी मिलेको छ ।
आज भन्दा एक वर्ष अगाडि बिहे बन्धनमा बाँधिएका रमेश प्रसाईं र नन्दा सिंह को पहिलो सन्तान को रुप छोरिको जन्म भएको छ। डाक्टर गहाना गुरुङ के शीले नन्दाको सफल अप्रेसन गरेर छोरीलाई जन्म दिएकी हुन । नन्दा को स्वास्थ्य अवस्था एकदमै ठिक रहेकोले तीन दिन पछि अस्पतालले डिस्चार्ज दिएको थियो । आफू काठमाडौ मै भएकोले खासै डर नलागेको नन्दा बताउँछिन । गाउँ कति आमाहरूले अकालमा नै ज्यान गुमाएका हुन्छन । त्यसैले पनि केहि डर भने रहने उनको भनाई छ ।
हिन्दु संस्कार अनुसार सातौ दिनमा नन्दाको छोरिको न्वारन गरिएको थियो । न्वारनमा नाम ‘न’ बाट जुरेको भएता पनि हजुरआमाले आफुहरु दुबै जनाको नाम मिलाएर छोरिको नाम रचना राखिदिएको नन्दाले बताईन । सासुको रुपमा मैले मेरो जन्म दिने आमा पाएको जस्तो लाग्ने गरेको नन्दाको भनाई छ । सासुले आफ्नो एकदमै राम्रो सँग हेरविचार गरेको उनले बताईन । म अहिले यति को छिटै निको हुनुमा सासुको सहयोगले नै गर्दा भएको उनी बताउँछिन ।हुन त नन्दा गर्भवती हुँदै नै सामाजिक संजालमा रमेश प्रसाईको छोरा या छोरी भयो भनी विभिन्न चर्चा हुने गरेको थियो ।
तर नन्दाले भने छोरिलाई जन्म दिएको केही दिन पछि मात्र मिडियामा आएर जानकारी गराएकी हुन । चर्चा बाहिर भएता पनि उनिहरुले बाहिर सार्वजनिक रुपमा जानकारी भने गराएका थिएनन । अहिले भने आफ्नो स्वास्थ अवस्था राम्रो भै सकेकोले आफू मिडियामासु आउन सकेको उनको भनाई थियो । निकै रमाइलो पारामा कुरा गर्ने नन्दा आफुले छोराछोरी भए पछि श्रीमानको माया घट्दै जान्छ भन्ने सुनेको बताईन । उनले भनिन मान्छे भन्छन् सन्तान जन्मे पछि श्रीमानको माया घट्छ भनेर तर मलाई उहाँ कै बढी माया लाग्छ ।तर रनेश प्रसाईले भने आफुलाई छोरीको माया लाग्ने बताए । पछि छोरी हुर्के पछि के हुन्छ त्यो चाई थाहा भएन तर अहिले भने आफुलाई नन्दाको भन्दा धेरै छोरिको माया लाग्ने गरेको रमेश प्रसाईले मिडियामा बताएका छन ।
नन्दाले अहिले सन्तान लाई जन्म दिए पनि पहिलो देखि नै धेरै सन्तानलाई कर्म भने दिदै आएकी छिन। उनले बाल आश्रम संचालन गरेर धेरै बालबालिकाहरुको पालनपोषण गर्दै आएकी छिन । धेरै सहयोगी हात हरु उनको लागि अगाडि बढेका छ्न ।भक्तपुर घर भइ हाल अमेरिकामा बस्ने दाजुबहिनीले ललित राई गोमा राई लगाएतले उनलाई सहयोग रकम पठाएका थिए । नन्दा र उसको छोरिको उज्ज्वल भबिस्यको कामना गर्दै उनिहरुले सहयोग पठाएका थिए ।(भिडियो हेर्नूहोस् )
