चितवन । नेकपा एमालेका सविच योगेश भट्टराइले नेकपा एमाले चुनावका लागि तयारी हालतमा रहेको बताएका छन् । आज भतरपुरमा प्रेस चौतारी चितवनले गरेको कार्यक्रममा बोल्दै उनले अव वन डे क्रिक्रेटजस्तो नभएर महाधिवेशन पछि पुरै तयारी अवस्थामा रहेको बताए ।

व्याट्सम्यानहरु तयारी अवस्थामा छन् उनले भने अवको चुनावमा चौका छक्का हान्नेछ । उनले एमालेले महाधिवेशनमा उतारेको भीड देखेर काँग्रेस माओवादीले आफ्नो महाधिवेशनमा जनप्रदर्शन गर्ने निर्णय गरेको समेत उनको दावी थियो ।

अहिलेको भीड हुँदाको रकेर्ड तोड्ने एमालेलेनै रहेको भन्दै अर्को पटक अझबढी भीड उतारेर रेकर्ड तोड्ने बताए । साथै अहिलेको भीडलाई मतमा बादल्न एमाले तयार रहेको र चैतमा हुने स्थानीय तह निर्वाचनमा ५० प्रतिशत बढी सीट जित्ने दावी गरे ।
साथै उनले गठवन्धन सरकार वेकामको भएको आरोप लगाएका छन् ।
नेता भट्टराइले देउवा नेतृत्वको सरकारले देशको न्यायालयलाई ध्वस्त बनाएको, संसद पंगु बनाएको आरोप लगाए । जनताको सेवासँग भन्दा भागवण्डाको राजनीति गरेको भन्दै प्रदेशका मन्त्रालय फुटाउने, जनताको चाहाना आवश्यकता अनुसार विकास गर्नुपर्ने रकम काटेर चालु खर्च बढाएको आरोप थियो ।

नेकपा एमाले गैँडा जस्तै भएको भन्दै त्यसैले महाधिवेशनमा गैँडा रोजेको बताए ।नेपाललाई सगरमाथा,बुद्धले चिनाए जस्तै एक सिँगे गैँडाले समेत राष्ट्रलाई चिनाएको उनको भनाई थियो । सोही अनुसार गैँडा रोजेको बताए । साथै गैँडा जस्तै एमाले आफ्नो रफ्तारमा आफ्नो मिशनमा हिँडेको र कसैले जिस्काए गैँडाले जस्तै आक्रमण गर्ने उनको भनाई थियो ।