चितवन जिल्लाको भरतपुर महानपरपालिका २९ मा रहेको रातमाटे भन्ने ठाउँमा एउटा सानो जंगल सबैतिरबाट बारेको देख्न सकिन्छ । त्यहाँ कालिज पालन गर्दै आएका छन ज्ञानेन्द्र तिमल्सिना । उनी वैदेशिक रोजगारीको शिलशिलामा करिव १६ वर्ष युरोपको इटाली बसेका रहेछन । वैदेशिक रोजगारीमा जानेहरुको प्रमुख रोजाईमा पर्ने गर्दछ युरोप । तर ज्ञानेन्द्र भने त्यहा छोडेर अहिले नेपालमा नै कृषिमा आबद्ध भएका छन । १६ वर्ष बसेको इटाली त्यहा पनि कमाई राम्रो रहेको उनी बताउँछन ।
सुरुमा काठमाडौकै दक्षिणकाली नजिकै कालिज पालन गर्दै आएका ज्ञानेन्द्र अहिले भने भरतपुर आएका हुन । आफू इटालिमै हुदाँ एकजना साथिसगँ मिलेर नेपालमा गएर के गर्न सकिन्छ त भनी सल्लाह गर्दा आफ्नो बाउ बाजेले गरेर आएको र आफुले पनि सानो देखि नै देखेको बुझेको यहि कृषि पेशा भएकोले कृषि नै गर्ने सोच आफुहरुले बनाएको उनी सुनाउँछन । तर कृषि नै गर्दा परम्परागत कृषि गरेर केही उपलब्धि नहुने भन्ने आफुहरुलाई थाहा भएको उनी बताउँछन ।
नेपालमा कृषिको लागि हावापानी राम्रो भएकोले कृषि नै गर्ने तर ब्यावसायिक रुपमा गर्नु पर्छ भन्ने सोचले आफुहरुले बुझ्दै जादाँ कालिज पालन गर्ने सोच आएको उनी बताउँछन । त्यसका लागि आफुहरुले इटालिबाट छुट्टिको समयमा फ्रांस आएर यश सम्बन्धि बुझेको उनले बताए । त्यसपछी आफुहरु नेपाल आएर यहि ब्याबसाय सुरु गरेको उनले बताए । सुरुमा केही साथिहरु मिलेर काठमाडौमै सुरु गरेता पनि त्यहा ठाउँ सानो भएको र ग्राहकहरुबाट पनि यो प्राकृतिक जंगलको जस्तो नभएको भन्ने भनाई आए पछि यता सरेको उनले बताए ।
अहिले N R N कालिज फर्म को नाममा उनले कालिज ब्याबसाय गर्दै आएका छन । काठमाडौमा सामुहिक रुपमा गर्दा आफू ठगिएको भएर पनि आफ्नै गहर चितवनमा आएर जङ्गलकै छेउमा ठूलो ठाउँमा गर्ने सोचले गर्दा यता अएको उनी बताउँछन । अहिले आफुले करिव ३ बिगाहा जति जंगलमा पुरै जालिले घेरेर ब्यानसाय सुरु गरेको उनले बताए । सामुहिक रुपमा भन्दा पनि आफुलाई एक्लै गर्न नै अहिले राम्रो लागेको उनी बताउँछन । हावापानीको हिसाबले यहाँ भन्दा पनि राम्रो भएता पनि त्यहा साथिहरुसगँ नमिले नै यहाँ आउनु परेको उनी बताउँछन ।
अहिले करिव ३५ सयको हाराहारीमा कालिज भएको उनले बताए । उनको फर्ममा ग्राहकहरु फर्ममै गएर रोजेको कालिज खान पाउने ब्यावस्था उनले गरेका छन । आफ्नो फर्ममा अहिले दुई जनाले रोजगारी पाएको उनले बताए । फागुन महिना देखि कालिजले अण्डा पार्न सुरु गर्ने र त्यो अवस्थामा पोथि र उनिहरुलाई आवश्यक भालेलाई फाल्टै राख्ने गरिएको उनले बताए । बाहिरबाट बच्चा ल्याएर पाल्न महगो पर्ने भएकोले यहि उत्पादन गर्ने गरेको उनले बताए । (भिडियो हेर्नुस)
