काठमाडौ । शेरबहादुर देउवालाई ७ पटक सम्म प्रधानमन्त्री हुने योग परेको भन्ने ज्योतिषले अझै ४ महिना देश क’ठिनपूर्ण यात्रामा जाने बताएका छन् । उनले देउवा प्रधानमन्त्री बनेको ४ महिना सम्म छत्रभंग योगका कारण यो परिवर्तन भएको बताएका छन् ।
यस्तो भविष्यवाणी गर्ने ज्योतिष हुन् दक्षिण एसियाली महासंघ नेपालका महासचिवसमेत रहेका ज्योतिष तथा वास्तुविद् सुरेशचन्द्र रिजाल । उनले एक मिडियामा अन्तरवार्ता दिँदै भनेका छन् ‘गत फागुमा नै मैले भनेको थिएँ, असार २६ पहिला परिवर्तन हुँदैन भनेर।’ उनले भने, ‘किन भने चैत्र २१ गतेदेखि असार २६ गतेसम्म छत्रभंग योग थियो।
त्यो बेलामा राजनीतिको शिर्ष स्थानमा रहेकाहरुले आसन छोड्नु पर्ने, प्रतिनिधिसभा जस्ता राजनीतिक सर्वोच्च संस्थाहरु विघटन हुनु पर्ने नै थियो ।’ उनले त्यो बेला नै शेरबहादुर देउवालाई ४ महिना नेतृत्वमा जाने काम नगर्न सल्लाह दिएको पनि जानकारी दिएका छन्। उनले भने, ‘असार २६ भन्दा पहिला यस्तो निर्णय आउथ्यो भने पनि भन्न सकिन्थेन्। तर, अझै पनि ४ महिना देशले कठिन परिस्थिति भोग्नु पर्छ।’
नेपाली कांग्रेसका सभापतिसमेत रहेका शेरबहादुर देउवा हालसम्म ४ पटक प्रधानमन्त्री भइसकेका छन्। उनले केही वर्ष अघि देउवालाई ७ पटक सम्म देशको प्रधानमन्त्री बन्ने योग गरेको भविष्यवाणी गरेका थिए । देउवा पनि यस्ता भविष्यवाणीमा विश्वास गर्छन । देउवा स्वयंले आफुलाई ज्योतिषले गरेको भविष्यवाणीका बारेमा सार्वजनिक गरेका थिए । सर्वोच्चको फैसलाले उनी पाँचौं पटक प्रधानमन्त्री बनेका हुन् ।
